Irani paraqet sfidën më të madhe të sigurisë për Shtetet e Bashkuara, ka thënë presidenti George Bush, në raportin e fundit për sigurinë kombëtare. Vendet si Irani, Koreja e Veriut, Siria, Kuba dhe Bellorusia, raporti i cilëson si "tirani". Në raport thuhet se tiranitë që synojnë të kenë armë të shkatërrimit në masë, paraqesin kërcënim për sigurinë amerikane. Presidenti Bush riafirmoi politikën e sulmeve parandaluese, apo të sulmit të parë ndaj caqeve që paraqesin kërcënim.
