Në Prishtinë sot do të qëndrojë Albert Rohan, zëvendës i të dërguarit të posaçëm të KB për statusin e Kosovës, me ç'rast do të takohet me autoritetet më të larta vendore dhe ndërkombëtare.
Rohan do t'i dorëzojë një dokument Grupit Negociator të Kosovës, në të cilin janë përmbledhur çështjet e diskutuara në dy raundet e para të bisedimeve mbi decentralizimin.
Para nisjes nga Vjena, Rohan tha se të dy palëve u është dorëzuar dokumenti me propozimet për zgjidhjen e disa çështjeve nga fusha e decentralizimit, për të cilat negociatorët nuk kanë arritur ujdi.
Ai gjithashtu tha se bashkësia ndërkombëtare ua ka bërë të qartë kosovarëve se fillimi i bisedimeve direkte Prishtinë-Beograd, nuk e nënkupton automatikisht pavarësinë.
Rohan tha se Prishtina duhet ta përmirësojë trajtimin e pakicës serbe në Kosovë, ndërkaq këtyre të fundit u porositi se duhet t'i bashkangjiten procesit për të ardhmen e Kosovës, sepse çdo bojkotim do të ishte kundërproduktiv. Rohan ka shfaqur keqardhje që serbët janë vetëm pjesërisht kooperativë.
Rohan do t'i dorëzojë një dokument Grupit Negociator të Kosovës, në të cilin janë përmbledhur çështjet e diskutuara në dy raundet e para të bisedimeve mbi decentralizimin.
Para nisjes nga Vjena, Rohan tha se të dy palëve u është dorëzuar dokumenti me propozimet për zgjidhjen e disa çështjeve nga fusha e decentralizimit, për të cilat negociatorët nuk kanë arritur ujdi.
Ai gjithashtu tha se bashkësia ndërkombëtare ua ka bërë të qartë kosovarëve se fillimi i bisedimeve direkte Prishtinë-Beograd, nuk e nënkupton automatikisht pavarësinë.
Rohan tha se Prishtina duhet ta përmirësojë trajtimin e pakicës serbe në Kosovë, ndërkaq këtyre të fundit u porositi se duhet t'i bashkangjiten procesit për të ardhmen e Kosovës, sepse çdo bojkotim do të ishte kundërproduktiv. Rohan ka shfaqur keqardhje që serbët janë vetëm pjesërisht kooperativë.
