Nga Siria raportohet se veprimtari për të drejtat e njeriut, Riyad Derar është dënuar me pesë vjet burgim i akuzuar se po formonte një organizatë sekrete. Është thënë se ai ishte arrestuar në qershor të vitit të kaluar. Zoti Darar ishte anëtar i një organizate joqeveritare. Deri tash, lidhur me këtë rast, nuk ka pasur komente nga zyrtarët e Sirisë. Agjencia DPA informon se prej se erdhi në postin e presidentit të Sirisë, në korrik të vitit 2000, Bashar Assad ka liruar shumë të burgosur politikë, por edhe i ka goditur veprimtarët për demokraci.
