Shërbimi Policor i Kosovës ka njoftuar nëpërmjet një komunikate se ka arrestuar një person të dyshuar për tri sulme me mjete shpërthyese në korrik të vitit të kaluar. Shpërthimi i parë pat ndodhur në afërsi të selisë së Organizatës për Siguri dhe Bashkëpunim në Evropë, i dyti në afërsi të ndërtesës së Qeverisë së Kosovës, ndërkaq shpërthimi i tretë në afërsi të selisë së administratës së Kombeve të Bashkuara. Policia ka rikujtuar se mjeti i katërt shpërthyes i vendosur në afërsi të ndërtesës së Radio Televizionit të Kosovës nuk qe aktivizuar. Në komunikatë nuk është dhënë asnjë hollësi për të arrestuarin përveç faktit se është 38 vjeçar.
