Ndërlidhjet

BUKURESHT


Vendet e Evropës Juglindore pjesa më e madhe e të cilave nga Ballkani, ranë dakort të promovojnë në shtator një marrëveshje mbi tregëtinë e lirë, që do të ndihmojë rajonin në përgatitjet për anëtarësim në Bashkimin Evropian. Pakti, do të zëvendësojë marrëveshjet dy palëshe, duke vënë në funksionim marrëveshjen e tregtisë së lirë së vendeve të Evropës Qëndrore, e cila ka shërbyer si një forum për vëndet që ju bashkuan unionit në vitin 2004.
"Ne ramë dakort të bëjmë përpjekjet e duhura, të zhvillojmë një seri negociatash dhe t'i përfundojmë ato në fund të muajit shtator," tha kryeministri i Rumanisë Calin Tariceanu, gjatë një konference për shtyp. Ndërkohë sipas komisionerit evropian për zgjerimin Oli Rehn, marrëveshja duhet të sigurojë zhvillim ekonomik për të gjithë rajonin. Marrëveshja do të përfshijë Shqipërinë, Kosovën, Bosnje- Hercegovinën, Serbi-Malin e Zi dhe Moldavinë.
Në takimin e sotëm Kosova u përfaqësua nga shefi i UNMIK-ut Soren Jessen Petersen dhe kryeministri Agim Çeku. Kryeministri Çeku në një intervistë për radion " Evropa e Lirë" tha se Kosova në këtë forum është antare me të drejta të plota dhe se takimi i sotëm e ka pozicionuar Kosovën një hap përpara në planin ndërkombëtar.
XS
SM
MD
LG