Një person i armatosur ka depërtuar sot në një sesion të gjyqit më të lartë në Turqi dhe ka hapur zjarr duke plagosur pesë gjyqtarë, njëri prej të cilëve nga plagët e marra ka vdekur, ka njoftuar policia. Polica në Ankara ka arrestuar personin e armatosur. Motivi i këtij sulmi nuk është i njohur. Agjencitë e lajmeve informojnë se të pesë gjyqtarët ishin ballfaquar me kritika për vendime që e konfirmonin ndalesën e shamive myslimane në institucionet publike dhe në shkolla në Turqi.
