Partitë e Malit të Zi, që u angazhuan për shtetin e përbashkët me Serbinë, nuk pranojnë rezultatet e referendumit dhe kërkojnë kontrollin e rezultateve preliminare dhe rinumërimin e fletëvotimeve në të gjitha vendvotimet. Kështu u kumtua pas takimit të liderëve të këtyre partive me të dërguarin e Bashkimit Evropian për referendum, Mirosllav Lajçak. Pas përgjigjjes së organeve kompetente dhe qëndrimit përfundimtar të Komisionit të referendumit, liderët e partive, që u angazhuan për mbetje në unionin me Serbinë, do të paraqesin qëndrimin e tyre, thuhet në kumtesë.
