Shtatë persona janë arrestuar në Shqipëri të dyshuar se janë anëtarë të një rrjeti të trafikantëve ndërkombëtar të drogës dhe të njerëzve, kanë njoftuar sot burime gjyqësore. Këta persona, që kërkoheshin nga policia italiane dhe greke, u arrestuan dje në disa qytete shqiptare. Ata akuzohen për pastrim parash, trafikim të drogës dhe përfshirje në prostitucion. Të dyshuarit kishin edhe dokumente të falsifikuara.
