Jessen Petersen ishte mik i Kosovës dhe i proceseve demokratike dhe ka bërë punë të madhe për ta përshpejtuar procesin e përcaktimit të statusit të Kosovës, kanë vlerësuar përfaqësues të institucioneve dhe të partive politike, duke e komentuar largimin e shefit të UNMIK-ut Petersen nga posti i tij. Lideri i Partisë Reformiste "ORA"Veton Surroi ka thënë se Petersen për një periudhë ka qene "kosovari më i madh". Kryetari i Partisë Demokratike të Kosovës, Hashim Thaçi tha se spektri politik kosovar do të vazhdojë bashkëpunimin me autoritetet ndërkombëtare.
