Shefi i Misionit të Kombeve të Bashkuara në Kosovë, Soren Jeseen Petersen u është drejtuar sot deputetëve në Kuvendin e Kosovës, duke u thënë se e dinte që pavarësia është synimi i shumicës së qytetarëve, por ka kërkuar nga të gjithë që ëndrra e shumicës të mos shndërrohet në ankth për pakicat. Petersen tha se nuk do të ketë ndarje të Kosovës dhe se statusi do të zgjidhej deri në fund të vitit, kur ai do të vinte në Kosovë që bashkë me kosovarët ta ndante atë moment madhështor.
