Zv.komandanti i Komandës Evropiane të SHBA-ve, gjenerali, Wiliam Ward tha sot në Prishtinë se KFOR-i angazhohet që të gjithë qytetarët e Kosovës të ndjehen të sigurtë. Ai u shpreh se "jemi këtu që të vazhdojmë të inkurajojmë progresin në Kosovë". Duke u shprehur për gjendjen në veri të Kosovës, gjenerali Ward tha se KFOR-i është i pranishëm në këtë hapësirë për të siguruar paqe dhe ambient të sigurtë për të gjithë.Ai këto komente i bëri pas takimeve me zyrtarët më të lartë të Kosovës.
