Delegacioni i Kosovës për statusin ka zhvilluar sot një takim për decentralizimin me ekipin e ekspertëve nga Zyra e Mahti Ahtisarit. Para takimit, Ekipi Negociues dhe ekipet e ekspertëve në kuadër të tij, kanë shqyrtuar pozicionin që Prishtina do të mbajë në këtë takim. Zëdhënësi Skender Hyseni tha se pozicioni mbetet i njejtë, duke i ofruar formulën 5 plus 1 komuna të reja për serbët, si dhe kompetenca të caktuara për komunat në fushat e arsimit, shëndetësisë, drejtësisë dhe policisë.
