Kancelarja gjermane Angela Merkel ka kritikuar Shtetet e Bashkuara për mbajtjen e terroristëve të dyshuar në burgje sekrete. Sipas saj praktika të tilla janë në kundërshtim me shtetin ligjor. Kancelarja Merkel, mirëpriti pranimin nga ana e presidentit amerikan George Bush, për ekzistimin e burgjeve sekrete të CIA-së. Ndryshe, Merkel premtoi përmirësimin e mardhënieve me Shtetet e Bashkuara, të dëmtuara nga kancelari i mëhershëm gjerman Gerhard Shreder i cili kundërshtoi luftën në Irak.
