Zëdhënësja e shefit të diplomacisë evropiane, Havier Solanës, njoftoi sot për shtyerjen e takimit të paraparë për nesër ndërmjet Solanës dhe kryenegociatorit iranian për programet bërthamore, Ali Larijani. Ky do të ishte takimi i dytë gjatë javës, rreth programeve bërthamore të Iranit, por është shtyer për afat të pacaktuar. Më herët sekretari i përgjithshëm i OKB-së Kofi Annan tha se beson që Irani e ka zbutur paksa pozicionin sa i përket aktiviteteve të pasurimit të uraniumit.
