Dhjetëra të vrarë në Karaçi
Së paku 45 njerëz janë vrarë dhe 20 të tjerë janë plagosur nga një sulm me armë zjarri në një autobus, i cili transportonte myslimanë shiitë Ismaili, në qytetin Karaçi të Pakistanit. Policia ka thënë se gjashtë persona të armatosur kanë ndaluar autobusin dhe kanë qëlluar pasagjerët pa dallim. Kryeministri i Pakistanit, Nawaz Sharif, ka dënuar ngjarjen dhe ka urdhëruar hetime.