Memorial për gruan afgane që e vrau turma
Një memorial është në ndërtim e sipër në kryeqytetin e Afganistanit, Kabul, në kujtim të Farkhundas, gruas së re, e cila është rrahur deri në vdekje nga turma e njerëzve, në muajin mars. Monumenti, në një rrugë të riemëruar sipas Farkhundas, është nismë e Partisë Kombëtare të Solidaritetit, e cila ka thënë se synon të përhapë mesazhe të kundërshtimit ndaj fundamentalizmit fetar. Turma e njerëzve ka sulmuar Farkhundan pranë një vendi të shenjtë në Kabul, pasi një burrë e ka akuzuar atë, pa të drejtë, për djegie të Kuranit. Vrasja e saj ka shkaktuar protesta në gjithë Afganistanin, si dhe zemërim ndërkombëtar.