Shpërthime në Dagestan

Këngëtarja Juliana Pasha do ta përfaqësojë Shqipërinë në Festivalin Evropian të Këngës, që do të mbahet në Oslo të Norvegjisë. Kënga fituese e Festivalit të 48-të të Radio Televizionit Shqiptar vjen në versionin anglisht, me titullin “It’s all about you”. Videoklipi i saj tashmë ka përfshirë ekranet e televizioneve shqiptare.

Kreu i Shërbimit Federal të Sigurisë, Aleksandër Bortnikov, tha se rebelët në rajonin e Kaukazit të Veriut dyshohen se kanë vënë dy bombat në metronë e Moskës, ku mbetën të vdekur të paktën 36 persona.

Presidenti i Shteteve të Bashkuara, Barak Obama, ka qëndruar për një vizitë të shkurtër dhe të paparalajmëruar në Afganistan. Pas takimit me presidentin e këtij vendi, Hamid Karzai, Obama u tha gazetarëve se “populli amerikan është i inkurajuar me progresin e bërë”. Obama gjithashtu iu drejtua trupave amerikane në aeroportin e Bagramit në veri të Kabulit.

Vendet anëtare të Eurozonës, në një mbledhje të jashtëzakonshme, të enjten mbrëma në Bruksel, kanë rënë dakord për një plan financiar për të ndihmuar Greqinë. Plani përbëhet nga një kombinim kredish, që do t’ia japin Greqisë disa vende të Eurozonës si dhe FMN-ja. Por, plani mund të aktivizohet vetëm në rast të nevojës ekstreme - nëse Athina nuk do të jetë në gjendje t’i sigurojë fondet e nevojshme për ta adresuar çështjen e borxhit.

Futbolli evropian është “pushtuar” nga talentet e futbollit që vijnë nga Kosova. Ata tashmë janë idhuj të mijëra adhuruesve të klubeve më të njohura evropiane. Sunderland nuk mund të paramendohet pa Lorik Canën dhe as West Ham pa Valon Behramin. Albert Bunjaku në Nyrnberg është duke bërë histori – ai është ndër golashënuesit më të mirë të Bundesligës gjermane...

Ditët deri në fillimin e Kampionatit Botëror të Futbollit 2010, i cili mbahet në Afrikën e Jugut, kanë filluar të numërohen. Paralelisht me këtë ngjarje të madhe sportive, rikujtojmë edhe çastet më të bukura dhe më emotive që shënuan Kampionatin e 2006-ës, i cili u mbajt në Gjermani. Kampione atëbotë u shpall Italia, e cila këtë titull e fitoi për të katërtën herë.

Demonstruesit që kërkojnë dorëheqjen e Qeverisë tajlandeze, kanë vazhduar protestat para shtëpisë së kryeministrit Abhisit Vexhaxhiva, ku kanë derdhur edhe gjakun e tyre. Demonstruesit thonë se Qeveria e kryeministrit Vexhaxhiva është jolegjitime dhe bëjnë thirrje për mbajtjen e zgjedhjeve të parakohshme.

Njeriu më i shkurtër në botë u nda nga jeta në moshën 21-vjeçare, në Romë. Kinezi He Pingping, i gjatë 74cm, vdiq nga problemet kardiake. Ai gjendej në Itali për të marrë pjesë në një spektakël. Pingping ishte duhanpirës. Familja ka bërë të ditur se Pingping e ka përfunduar rritjen në moshën 18-vjeçare.

Festivali i filmit dokumentar për të drejtat e njeriut ka filluar më 10 mars në Pragë dhe do të zgjasë deri më datën 18 të po këtij muaji. Festivali është hapur me filmin dokumentar “Green days” (“Ditët e gjelbra”) të regjisores 21-vjeçare, iranianes Hana Makhmalbaf. Dokumentari përfshin filmime të shumta me celularë, të cilat paraqesin dhunën dhe kaosin paszgjedhor në Iran.

Së paku pesë shtëpi janë shkatërruar nga një tornado që përfshiu të hënën qytetin Hammon, në perëndim të Oklahomas. Zëdhënësja e Departamentit të Emergjencave në Oklahoma, Michelann Ooten, tha se nuk janë shënuar viktima. Përveç shtëpive të shkatërruara, janë dëmtuar edhe çatitë e disa të tjerave si dhe e gjithë zona ka mbetur pa energji elektrike, tha Ooten.

Filmi më i suksesshëm në ndarjen e çmimeve Oskar ishte “The Hurt Locker”, i regjisores Kathryn Bigelow. Filmi u shpërblye me gjashtë çmime, përfshirë edhe ato kryesoret – për fotografinë më të mirë dhe për regjinë më të mirë. Përkundër pritjeve që filmi “Avatar” i James Cameronit do të mbledhë numrin më të madh të statujave të arta, ky film mori vetëm tri sosh.

Irakianët kanë votuar në zgjedhjet parlamentare. Zgjedhjet u mbajtën përkundër dhunës, nga e cila u vranë së paku 38 persona. Të drejtë vote kishin 19 milionë irakianë, ndërsa do të zgjidhen 325 anëtarë të Parlamentit.

Iraku përgatitet për zgjedhjet e nesërme parlamentare, të dytat nga rënia e Sadam Huseinit, në vitin 2003. Kreu i Kombeve të Bashkuara, Ban Ki-mun, u ka bërë thirrje irakianëve të dalin në votime, të cilat i quajti “një tjetër gurthemel” i rëndësishëm drejt pajtimit kombëtar. Por, ditët e fundit të fushatës janë përshkuar me një varg sulmesh vetëvrasëse.

Në Irak kanë filluar votimet e hershme në kuadër të zgjedhjeve të përgjithshme që mbahen të dielën. Në to pritet të përfshihen afro 800 mijë persona, që nuk do të jenë në gjendje të dalin në votimet e 7 marsit. Në mesin e atyre që votojnë më herët janë edhe policët dhe ushtarët irakianë, të cilët do të jenë të angazhuar për mbrojtjen e vendvotimeve.

Më 11 qershor të këtij viti, në Afrikën e Jugut fillon kampionati botëror i futbollit. Kjo ngjarje e madhe sportive, e cila do të zgjasë deri më 11 korrik, do të shënojë edhe kulminacionin e procesit, të filluar me kualifikimet që nisën në gusht të 2007-ës...

Të paktën 59 persona kanë humbur jetën nga stuhia e fuqishme, e njohur si Sintija, e cila, fundjavën që shkoi, ka përfshirë Evropën perëndimore. Më të goditurat janë: Franca, Spanja, Gjermania, Portugalia dhe Belgjika. Numri më i madh i viktimave është në Francë, ku janë shënuar 45 të vdekur.