Nënpresidenti amerikan, Xho Bajden, takohet sot në Bregun Perëndimor me udhëheqësit palestinezë. Takimi vjen një ditë pas lajmit të publikuar nga qeveria e Izraelit për ndërtimin e 1600 shtëpive të reja për hebrejtë në Jerusalimin lindor. Ky i fundit shihet si kryeqyteti i një shteti të ardhshëm palestinez.
Bajden ka dënuar vendimin e Izraelit duke theksuar se një hap i tillë “minon besimin” që i nevojitet palëve për të rifilluar bisedimet jo të drejtpërdrejta. Në shenjë pakënaqësie me hapin e qeverisë izraelite, Bajden arriti 90 minuta me vonesë në darkën e shtruar nga kryeminisiri i Izraelit, Benjamin Netanjahu.
Edhe sekretari i përgjithshëm i OKB-së, Ban ki Mun, ka dënuar vendimin e Izraelit, duke theksuar vendbanime të tilla janë të paligjshme sipas të drejtës ndërkombëtare.
