E mërkurë, korrik 23, 2014 Kosova 09:39

Lajmet

Bora u merr jetën tre serbëve

30.01.2012
Tre persona kanë humbur jetën gjatë fundjavës në Serbi, si pasojë e borës së madhe që ka goditur rajonin.

Një grua 49-vjeçare është gjetur e vdekur në rajonin e Valevës, ndërsa në fshatin Bobovo të së njëjtës komunë është regjistruar një viktimë 52-vjeçare.

Në fshatin Taor, zyrtarët thonë se një burrë 81 vjeç është gjetur i vdekur nga hipotermia në shtëpinë e tij.

Reshjet e dendura të borës thuhet të kenë bllokuar rëndë trafikun rrugor dhe të kenë shkaktuar probleme me energjinë elektrike.

Katërmbëdhjetë komuna në jug të Serbisë kanë shpallur gjendje të jashtëzakonshme.