Parlamenti Evropian dhe ai i Ukrainës e kanë ratifikuar Marrëveshjen për Asocim, me të cilën forcohen lidhjet politike dhe ekonomike të Kievit me Brukselin.
Ratifikimi u bë sot në mënyrë simultane në sesionet e parlamenteve në Strasburg dhe Kiev.
Presidenti i Urakinës, Petro Poroshenko, duke folur para deputetëve të Parlamentit të Ukrainës, tha se kjo marrëvehje është “hapi i parë dhe i rëndësishëm” kah Bashkimi Evropian.
Refuzimi për ta nënshkruar marrëveshjen e tillë, vitin e kaluar, nga ana e presidentit të atëherëshëm, Viktor Yanukovich, ka çuar në përmbysjen e tij, pas protestave të gjata në kryeqytetin Kiev.
Pas kësaj, kanë ndodhur zhvillime të ndërlidhura zinxhirore, përfshirë edhe aneksimin e Krimesë në Ukrainë nga ana e Rusisë, dhe kryengritjen e armatosur të separatistëve prorusë në pjesën lindore të Ukrainës.