Shtatëmbëdhjetë migrantë, që kanë bërë përpjekje të arrijnë në Greqi nga Turqia, janë mbytur, pasi anija e tyre është fundosur në bregdetin turk.
Viktimat, që mendohet të jenë të gjitha siriane, përfshijnë pesë gra dhe pesë fëmijë.
Ata kanë qenë të bllokuar në kabinën e anijes, derisa ajo është mbytur, ka raportuar agjencia turke e lajmeve Dogan.
Sipas burimit të njëjtë, rreth 20 persona që kanë qenë në pjesën e epërme të anijes, kanë mbijetuar.
Sipas Organizatës Ndërkombëtare për Migracion, rreth 300,000 migrantë dhe refugjatë kanë arritur në Greqi këtë vit nga Turqia.
