Parlamenti i Ukrainës ka hedhur poshtë me shumicë dërrmuese të votave dorëheqjen e kryeministrit Arseniy Yatsenyuk.
Vetëm 16 ligjvënës nga 311 të pranishëm në seancën e sotme parlamentit votuan në favor të dorëheqjes.
Yatsenyuk me 24 korrik pati thënë se ai do të largohet nga detyra pasi dy partitë u tërhoqën nga koalicioni qeverisës.
Vendimi është dashur të miratohet zyrtarisht nga parlamenti.
Presidenti Petro Poroshenko u ka berë thirrje ligjvënësve dhe qeverisë për të gjetur një kompromis.
