Ministri i Mbrojtjes i Ukrainës, Valeriy Heletey, ka akuzuar Rusinë për nisjen e një “lufte të madhe” që mund të marrë dhjetëra-mijëra jetë.
“Një luftë e madhe ka arritur në pragun tonë, luftë të cilën Evropa nuk e ka parë qysh nga Lufta e Dytë Botërore. Për fat të keq, humbjet në një luftë të tillë nuk do të maten me qindra, por me dhjetëra-mijëra”, ka shkruar ministri i Mbrojtjes i Ukrainës në Facebook.
Të hënën, bisedimet për zgjidhje të krizës midis zyrtarëve ukrainas, rebelëve dhe të dërguarve rusë kanë përfunduar pa ndonjë marrëveshje.
Rusia hedh poshtë vazhdimisht akuzat e Kievit dhe Perëndimit se ajo ka dërguar trupa dhe pajisje ushtarake për rebelët në lindje të Ukrainës.
