Një protestë masive është mbajtur në Romë të Italisë kundër planeve të kryeministrit Matteo Renzi për reforma në tregun e punës.
Disa media raportojnë se rreth një milion njerëz kanë marrë pjesë në protestë.
Renzi ka mbështetur planet për mbrojtje më të vogël në punë, çfarë e bën më të lehtë për firmat që të pushojnë punëtorët nga puna.
Protestuesit janë të zemëruar edhe me papunësinë e të rinjve që në Itali kap shifrën 44.2 për qind.
Protesta të shtunën është organizuar nga sindikata më e madhe CGIL.
“Duam punë për secilin dhe punë me të drejta”, ka thënë para turmës kryetarja e kësaj sindikate, Susanna Camusso.
