Rrjeti social Facebook ka pësuar sot një ndërprerje masive, duke u bërë i paarritshëm për shumë përdorues në gjithë botën.
Ndërprerja ka zgjatur rreth 40 minuta dhe ka prekur përdoruesit në Shtetet e Bashkuara, Azi, Evropë dhe Australi.
Shërbimi Instagram i Facebook-ut ka qenë po ashtu jashtë funskionit për kohë të shkurtër.
Facebook ka thënë se beson që inxhinierët e tij kanë shkaktuar problemin, duke minimizuar pretendimet për sulm të hakerëve.
“Kjo nuk ka qenë rezultat i një sulmi të palës së tretë, por ka ndodhur pasi kemi bërë një ndryshim, i cili ka prekur sistemet tona të konfigurimit”, i ka thënë BBC-së një zëdhënës i Facebook-ut.
Facebook ka rreth 1.25 miliard përdorues në gjithë botën, ndërsa Instagram rreth 300 milionë.