Dhoma Përfaqësuese e Shteteve të Bashkuara ka kaluar ligjin, i cili shmang rritjen automatike të taksave dhe shkurtimin e shpenzimeve. Ligji është miratuar me 257 vota për dhe 167 kundër.
Masa, e cila më herët ka kaluar edhe në Senat, i është dërguar presidentit Barack Obama për nënshkrim.
Ajo pengon Shtetet e Bashkuara nga rrëshqitja në të ashtuquajturën tatëpjetë fiskale. Tatëpjeta nënkupton mbi 600 miliardë dollarë shkurtime automatike të shpenzimeve dhe rritje të taksave, të parapara si masë për reduktimin e deficitit buxhetor të Amerikës.
Ekonomistët kanë paralajmëruar se tatëpjeta fiskale mund të çojë ekonominë e SHBA-së në recesion dhe të ndikojë, madje, në ekonominë globale.
Por, legjislacioni tani zgjat shkurtimin e taksave për shumicën e amerikanëve dhe shtyn shkurtimet automatike të shpenzimeve për të paktën dy muaj.
Shkurtimet e taksave datojnë që nga koha e administratës së ish-presidentit George Bush.
Pas votimit, presidenti Obama ka thënë se marrëveshja e ka bërë më të drejtë sistemin tatimor të Amerikës.
“Premisa qendrore e fushatës sime për president ka qenë që të ndryshojmë kodin e taksave që ka anuar shumë kah të pasurit, por në kurriz të punës së klasës së mesme. Sonte, e kemi bërë këtë. Duke iu falënderuar votave të demokratëve dhe republikanëve në Kongres, unë do të nënshkruaj ligjin, i cili rrit taksat e të pasurve, ndërsa ndalon rritjen e taksave për klasën e mesme”, ka thënë Obama.
Ai po ashtu ka pranuar se legjislacioni është vetëm pjesë e përpjekjeve të vazhdueshme për të reduktuar deficitin.
Demokratët e Obamës dhe republikanët e kanë pasur të vështirë të pajtohen për strategjinë e reduktimit të deficitit. Republikanët kanë refuzuar thirrjet e demokratëve për rritje të taksave, ndërsa demokratët kanë kundërshtuar shumicën e shkurtimeve në programet qeveritare, të propozuara nga republikanët.
Në lidhje me këtë, Obama ka thënë:
“Mendoj se të gjithë e dimë se ky ligj është vetëm një hap në përpjekjet tona të gjera për të forcuar ekonominë dhe për të zgjeruar mundësitë për të gjithë. Deficiti vazhdon të jetë shumë i lartë, ndërsa ne vazhdojmë të investojmë shumë pak në gjërat e nevojshme për rritje të shpejtë të ekonomisë”.
Miratimi i legjislacionit ka bërë që çmimet e aksioneve në tregjet aziatike të rriten, ashtu si edhe çmimi i naftës.(v.t.)
Masa, e cila më herët ka kaluar edhe në Senat, i është dërguar presidentit Barack Obama për nënshkrim.
Ajo pengon Shtetet e Bashkuara nga rrëshqitja në të ashtuquajturën tatëpjetë fiskale. Tatëpjeta nënkupton mbi 600 miliardë dollarë shkurtime automatike të shpenzimeve dhe rritje të taksave, të parapara si masë për reduktimin e deficitit buxhetor të Amerikës.
Ekonomistët kanë paralajmëruar se tatëpjeta fiskale mund të çojë ekonominë e SHBA-së në recesion dhe të ndikojë, madje, në ekonominë globale.
Por, legjislacioni tani zgjat shkurtimin e taksave për shumicën e amerikanëve dhe shtyn shkurtimet automatike të shpenzimeve për të paktën dy muaj.
Shkurtimet e taksave datojnë që nga koha e administratës së ish-presidentit George Bush.
Pas votimit, presidenti Obama ka thënë se marrëveshja e ka bërë më të drejtë sistemin tatimor të Amerikës.
“Premisa qendrore e fushatës sime për president ka qenë që të ndryshojmë kodin e taksave që ka anuar shumë kah të pasurit, por në kurriz të punës së klasës së mesme. Sonte, e kemi bërë këtë. Duke iu falënderuar votave të demokratëve dhe republikanëve në Kongres, unë do të nënshkruaj ligjin, i cili rrit taksat e të pasurve, ndërsa ndalon rritjen e taksave për klasën e mesme”, ka thënë Obama.
Ai po ashtu ka pranuar se legjislacioni është vetëm pjesë e përpjekjeve të vazhdueshme për të reduktuar deficitin.
Demokratët e Obamës dhe republikanët e kanë pasur të vështirë të pajtohen për strategjinë e reduktimit të deficitit. Republikanët kanë refuzuar thirrjet e demokratëve për rritje të taksave, ndërsa demokratët kanë kundërshtuar shumicën e shkurtimeve në programet qeveritare, të propozuara nga republikanët.
Në lidhje me këtë, Obama ka thënë:
“Mendoj se të gjithë e dimë se ky ligj është vetëm një hap në përpjekjet tona të gjera për të forcuar ekonominë dhe për të zgjeruar mundësitë për të gjithë. Deficiti vazhdon të jetë shumë i lartë, ndërsa ne vazhdojmë të investojmë shumë pak në gjërat e nevojshme për rritje të shpejtë të ekonomisë”.
Miratimi i legjislacionit ka bërë që çmimet e aksioneve në tregjet aziatike të rriten, ashtu si edhe çmimi i naftës.(v.t.)