Protestuesit serbë djegin flamurin e NATO-s
Qindra serbë kanë protestuar dhe më pas edhe kanë djegur flamurin e NATO-s në Beograd, duke kundërshtuar kështu një konferencë që Aleanca Veri-atlantike po e mban në kryeqytetin serb.
Rreth 200 veta kanë brohoritur kundër NATO-s, perëndimit dhe kundër politikanëve serbë, para zyrës së Presidentit të Serbisë, Boris Tadiq.
Ata e fajësojnë NATO-n për bombardimet mbi caqet serbe gjatë vitit 1999 në Kosovë dhe Serbi, andaj edhe kanë brohoritur kundër pranisë së NATO-s në Serbi.
Të dielën, policia kishte arrestuar disa të rinj serb që po protestonin ndaj mbajtjes së kësaj konference të Aleancës Veri-atlantike.
