E premte, dhjetor 19, 2014 Kosova 07:28

Bota

Fillon Kongresi Kombëtar i Partisë Komuniste Kineze

Filloi Kongresi Kombëtar i Partisë Komuniste Kineze
RFE /RL
Partia Komuniste në pushtet e Kinës zyrtarisht ka hapur Kongresin Kombëtar të saj, të tetëmbëdhjetin me radhë.

Gjatë këtij takimi, i cili mbahet një herë në pesë vjet, partia pritet që zyrtarisht të zbulojë gjeneratën e re të liderëve të saj më të lartë.

Presidenti i Kinës, Hu Jintao e ka hapur Kongesin Kombëtar të Partisë Komuniste, duke kërkuar nga anëtarët që ta luftojnë më ashpër korrupsionin.

Takimi po mbahet në mes të rritjes së pakënaqësive në Kinë lidhur me dyshimet për rritjen e nivelit të korrupsionit në nivelet e larta të elitës politike.

Shumica e analistëve presin që gjatë këtij Kongresi, zëvendës presidenti Xi Jinping dhe zëvendës kryeministri i parë, Li Keqiang të ngriten në detyrë, në poste të larta të partisë.

Xi pritet që të zgjedhet sekretari i ardhshëm gjeneral, përpara se ta marrë postin e presidentit në mars të vitit 2013.

Nga ana tjetër, Li pritet që të jetë kryeministri i radhës.

Më shumë se 2200 delegatë pritet të mblidhen në Pekin për takimin e partisë, e cila e kontrollon ekonominë e dytë më të madhe në botë.(v.k.)


Hu Jintao bën thirrje për luftim të korrupsioniti
X
08.11.2012
Presidenti i Kinës, Hu Jintao e ka hapur Kongesin Kombëtar të Partisë Komuniste, duke kërkuar nga anëtarët që ta luftojnë më ashpër korrupsionin.
Ky forum është mbyllur
Komentet
     
Nuk ka komente në këtë forum