E hënë, maj 25, 2015 Kosova 07:20

Aktuale

Serbi: Kushtetuesja nuk ndalon "Nashi" dhe "1389"

Lëvizja nacionaliste
Lëvizja nacionaliste "Nashi"
RFE /RL
Gjykata Kushtetuese e Serbisë ka hedhur poshtë propozimin për ndalimin e organizatës djathtiste "Ripërtëritja e popullit serb 1389” nga Beogradi dhe asociaiconin e qytetarëve “Nashi” nga Arangjelovci dhe lëvizjen “SNP Nashi 1389".

Në faqen e internetit të kësaj gjykate thuhet se "sipas analizës së programit dhe aktiviteteve të këtyre shoqatave, është vërtetuar se nuk janë përmbushur kriteret e Kushtetutës për ndalesë dhe nuk është konfirmuar konstatimi i prokurorisë së Republikës se shoqatat cenojnë dispozitat kushtetuese".

Këto organizata për publikun serb njihen për një numër incidentesh në vitet e fundit, duke u nisur nga huliganizmi gjatë mbajtjes së paradës së homoseksualëve, kërcënimet ndaj oponentëve, shkruarjen e grafiteve dhe porosive nxitëse të urrejtjes racore e fetare, mohimin e gjenocidit të Srebrenicës, kundërshtimin e pavarësisë së Kosovës etj.

Në Kosovë, autoritetet e rendit patën marrë vendim këtë verë, për të ndaluar hyrjen e pjesëtarëve të këtyre organizatave, për të marrë pjesë në festën e ashtuquajtur “Vidovdan”, e cila shënohet më 28 qershor të çdo viti.  Këtë vit, kjo datë u ndërlidh me 623-vjetorin e Betejës Mesjetare të Kosovës. (a.i.)

Ky forum është mbyllur
Radhitja e komenteve
Komentet
     
Nga : rasim hulaj Prej : suedi
16.11.2012 04:56
Ka ardhur koha qe historia te shkruhet ne menyre shkencore per betejen e Kosoves 1389. A eshte zhvilluar nje beteje e tille dhe kush ka luftuar? Historia nuk mund te shkruhet met mite te rrejshme dhe as te falsifikohet per qellime te errete gjenocidale.

Përzgjedhja Jonë

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.