E enjte, tetor 02, 2014 Kosova 06:22

Kronika

Presin sqarime për përmbajtjen e IBM-it

Jarinë, 4 dhjetor 2012
Jarinë, 4 dhjetor 2012
Në Prishtinë nuk ka shumë optimizëm në lidhje me dakordimin për fillimin e zbatimit të marrëveshjes për Menaxhim të Integruar të Kufirit dhe asaj për hapjen e zyrave ndërlidhëse në Prishtinë, përkatësisht Beograd, si rezultat i takimit të fundit ndërmjet kryeministri të Kosovës Hashim Thaçi, dhe atij të Serbisë, Ivica Daçiq.

Po ashtu, potencohet se përmbajtja e këtyre marrëveshjeve ende nuk është bërë publike, kështu që priten sqarimet shtesë të kryeministrit Hashim Thaçi, të cilat ai zakonisht i bën para Kuvendit të Kosovës.

Sidoqoftë, pas takimit të tretë me homologun e tij nga Serbia, të mbajtur në Bruksel nën ndërmjetësimin e Përfaqësueses së Lartë të Bashkimit Evropian për Politikë të Jashtme, Catherine Ashton, kryeministri i Kosovës, Hashim Thaçi konfirmoi se është arritur pajtimi për fillimin e zbatimit të marrëveshjes për vendkalimet kufitare, e njohur si IBM, si dhe ajo për hapjen e zyrave ndërlidhëse.

“Jemi dakorduar që të punojmë maksimalisht për zbatimin e marrëveshjes së IBM-it që do të fillojë me dy pika më datën 10 dhjetor. Ky do të jetë edhe një sukses i këtij procesi për normalizimin e marrëdhënieve mes shtetit të Kosovës dhe atij të Serbisë që nënkupton natyrisht edhe vendosjen e kufirit mes shteteve tona".

"Gjithashtu, jemi pajtuar për hapjen e zyrave ndërlidhëse të Kosovës në Serbi dhe Serbisë në shtetin e Kosovës”, është shprehur ndër tjera Thaçi.   

Puna për ndërtimin e objekteve në vendkalimin kufitar JarinëPuna për ndërtimin e objekteve në vendkalimin kufitar Jarinë
x
Puna për ndërtimin e objekteve në vendkalimin kufitar Jarinë
Puna për ndërtimin e objekteve në vendkalimin kufitar Jarinë
Në interesimin e gazetarëve për çështjen e pranisë së simboleve shtetërore, në vendkalime kufitare, Thaçi ka deklaruar se nëse Serbia nuk i vendos simbolet, nuk do t’i vendos as pala kosovare.

Ndërkaq, në Prishtinë, më shumë sesa pajtimi për fillimin e zbatimit të marrëveshjes shprehjet interesim për detajet tjera të saj. Shefi i Grupit Parlamentar të Lidhjes Demokratike të Kosovës, Ismet Beqiri, ka thënë  se IBM-i nuk është një marrëveshje e re, pasi që ajo është arritur qysh në fazën e bisedimeve teknike.

“Çështja e IBM-it është rezultat që është thënë më herët, i takimeve të ashtuquajtura teknike. Domethënë mbetet të shihet kjo si edhe zbatimi i saj”, ka thënë Beqiri.

Në anën tjetër, Lëvizja Vetëvendosje përmes një komunikate me shkrim a vlerësuar se Thaçi dhe Daçiq janë dakorduar në fakt për autonominë e veriut, pasi që pjesa e marrëveshjes për financimin e strukturave në veri nga taksat doganore, sipas kësaj partie politike, u mundëson atyre të financohen edhe nga paraja publike e Kosovës.

Ta ndash veriun e vendit nga sistemi fiskal i Kosovës nënkupton se ua lënë strukturave atje ta përcaktojnë sistemin e vet fiskal, vlerëson Vetëvendosje.

Ndërkaq, analisti politik nga instituti KIPRED, Ardian Arifaj, ka vlerësuar se çdo marrëveshje me Serbinë duhet të merret me rezerva, marrë parasysh përvojën nga e kaluara, pasi që ky vend nuk i zbaton marrëveshjet e arritura me Kosovën.

Para se marrëveshjet e prezantuara të vlerësohen përfundimisht, edhe Arifaj ka preferuar që të pritet edhe qartësimi i detajeve të tyre. Arifaj pret që të sqarohet sidomos çështja e doganimit të mallrave që hyjnë nga Serbia në Kosovë dhe ideve që mjetet të derdhën në komunat veriore të Kosovës të banuara me shumicën serbe. 

“Sidomos ajo që prezantohet si ide që të hyrat e mallrave që hyjnë nga Serbia në Kosovë t’u dedikohen komunave në veri të Kosovës dhe të mos doganohen në Kosovë që do të ishte cenim i integritetit dhe njëshmërisë (sistemit unik) së zonës doganore në Kosovë”, ka thënë Arifaj. 

Kundër zbatimit të marrëveshjes IBM janë shprehur përfaqësuesit e serbëve të veriut. Njëri nga liderët e këtij komuniteti në veri, Marko Jakshiq, ka thënë se IBM-i paraqet një marrëveshje në kundërshtim me Kushtetutën e Serbisë dhe se e tillë do të kundërshtohet nga përfaqësuesit e komunave veriore. 

Marko JakshiqMarko Jakshiq
x
Marko Jakshiq
Marko Jakshiq
“Kjo është marrëveshje që vendos kufirin mes shtetit të Serbisë dhe Kosovës, prandaj edhe ne i kemi dërguar një kërkesë Gjykatës Kushtetuese në Serbi që të vlerësoj ligjshmërinë e kësaj marrëveshje”, është shprehur Jakshiq. 

Pas takimit të tretë Thaçi - Daçiq, zyra e baroneshës Ashton ka lëshuar një komunikatë, ku, mes tjerash thuhet se të dy kryeministrat i kanë konfirmuar konkluzionet e grupit punues për IBM-in, sipas së cilave dy porta (1 dhe 3) tash janë gati dhe do të jenë operacionale më 10 dhjetor, ndërsa dy portat e tjera (5 dhe 31) do të jenë gati më 31 dhjetor”.

Në njoftim theksohet se “të dy kryeministrat janë pajtuar që secili ta emërojë një zyrtar ndërlidhës”.

Ashton ka konfirmuar  edhe zotimin e kryeministrit Thaçi për formimin e një njësie speciale shumë-etnike policore, brenda policisë së Kosovës, e cila do të ketë për detyrë ta mbroj trashëgiminë kulturore dhe religjioze serbe në Kosovë.

Po ashtu, është konfirmuar se të dyja palët janë pajtuar që t’i shqyrtojnë mënyrat për sigurimin e rrjedhjes transparente të parave në mbështetje të komunitetit serb në Kosovë.

Zyra e Ashtonit ka njoftuar se bisedimet në nivelin teknik do të vazhdojnë ku do të trajtohen çështjet rreth energjisë dhe telekomunikacionit si dhe është kërkuar të punohet bashkërisht në kuadër të angazhimeve për zbardhjen e fatit të personave të pagjetur.

Sipas komunikatës, takimi i ardhshëm do të mbahet më 17 janar të vitit 2013.

Zijadin Gashi

zijadin.gashi+gmail.com

Zijadin Gashi, i lindur më 01 janar 1973 në Prishtinë. Me gazetari ka filluar të merret që nga viti 1997. Si korrespondent i Radios Evropa e Lirë punon që nga maji i vitit 2001.

Twitter
Ky forum është mbyllur
Radhitja e komenteve
Komentet
     
Nga : ahishta Prej : kosovë
06.12.2012 11:41
te lumt xhrxh vashington z,hashim thaqi'
ti je ai i cili ke luftue me serbin siq po thue e ti je ai qe edhe sibolet shtetrore qe ishin ne Merdar don mi hjek taman si po thot Daqiqi
ky nuk asht kufi po punkt policor ,por po mos te ishe ti ne bisedime e te ishte i ndjeri RUGOVA ATHYE QKA KISHTE NDODH SOT NËKOSOVEN E MJER demostrata ,mbyllje rugësh e ndoshtsa edhe ma keq,mue me kujtohet vetem ni detaj kur kuvendi komunal i PRISHTINËS vendosi flamurin e DARDANIS për nder të festes dhe ne mengjes para kamerave un pash me syt e mi tue e djeg sipatizantet e PDK-së e shum te tjer por nejse gjithmon ishte ka ni thanje e moqme ruje zot shqiprin nga shqiptaret.

Nga : gjimi Prej : mitrovic
06.12.2012 10:00
po zoti minister ni sukses te madh per serbin ejo perne ne ekmi shpall shtetin eti po shkon pona shkatron shtetin ne merdare kemi pas deri dikun ni kufi me serbin edhe kit pik kalimi nae ktheve ne dur te serbis jo sukse imadh shum je duke naj hjek simbolet shtetrore edhe ne disa pjes si kan egzistue me serbin me shqiprin kufiri me maqedonin me mal te zi sepengon kurgja serbin me serbi epengon serbin te ket kufij se me tjerat jon shtete usht plotsisht normale edhe pjesa verijore nuk ka nevoj te mer dokument te kosoves nuk duhet te paguj tatime une nuk die se qka iduhet ndryshe te jet pjes e serbis

Nga : hoda Prej : GV
05.12.2012 23:05
​​Në interesimin e gazetarëve për çështjen e pranisë së simboleve shtetërore, në vendkalime kufitare, Thaçi ka deklaruar se nëse Serbia nuk i vendos simbolet, nuk do t’i vendos as pala kosovare.

Unë jam i mendimit që të nxitet Serbia që të venbdoj simbolet shterore në anën e vete. Analizonje pak këtë propozimin tem.
Në përgjigje

Nga : AMARI Prej : GJERMANIJ
06.12.2012 12:31
eu runa zot ishalla bohet far katastrofe natyrore se qeshtu koka shtir mu pajtu me pa shqipfolsat ka bojn tregti me tok shqiptare me popull shqiptar marri marri marri po populli i ka fajet se u pajtu me jetu e me sundu hajni i pa edukati deri kur ma kshtu ju letem faqe e nderuar mos na jepni vitamina kancerogjene me kso lajme se na vrat per se gjalli
Në përgjigje

Nga : hoda Prej : GV
08.12.2012 23:46
Amar nuk je i qart. Artikulloe mendimin pak më qart ngase nuk ju kuptoj se çka dëshironi me thënë. Aj të flasim dhe shkruajm me gjuhën e kodifikur-letrare. Së paku të mundohemi që të jemi më të kuptueshëm dhe të mos keqkuptohemi.