E premte, shtator 19, 2014 Kosova 11:46

Aktuale

Kosova kërkon heqjen e bllokadave serbe

Ilustrim
Ilustrim

Artikujt e ndërlidhur

GNK: Veriu, pengesë për Kosovën e Serbinë

Në raportin e GNK-së thuhet se situata e dhunshme në veri të Kosovës, rrezikon ndaljen e dialogut ndërmjet Kosovës dhe Serbisë.
Vullneti i mirë që Beogradi po dëshmon në zbatimin e marrëveshjes për Menaxhimin e Integruar të Kufirit nuk duhet të na bëjë optimistë për qasjen që Serbia mund ta ketë në të ardhmen ndaj Prishtinës, thanë përfaqësues të qeverisë kosovare.

Në një tryezë diskutimi të organizuar nga Zyra e Përfaqësuesit Special të Bashkimit Evropian në Prishtinë, zyrtarët e ekzekutivit kërkuan që Kosovës t’i hiqen bllokadat e vëna nga Serbia në anëtarësimin e vendit në organizatat rajonale e ndërkombëtare.

Edhe pse në muajin shkurt të këtij viti palët kishin arritur marrëveshjen për bashkëpunim rajonal, përfaqësues të qeverisë së Kosovës e quajtën të pamjaftueshëm angazhimin e shtetit serb në realizmin praktik të saj.

Edon Cana, këshilltar për integrime evropiane i kryeministrit të Kosovës, Hashim Thaçi, tha se anëtarësimi i Kosovës në organizata të ndryshme vështirësohet nga pala serbe.

Nëse e analizoni politikën e jashtme serbe, ajo nuk ka ndryshuar gjatë 20 viteve të fundit. Është logjika e njejtë. Ne, në fakt, e kemi zbatuar marrëveshjen nga ana jonë, por sa herë që kemi të bëjmë me një organizatë të re, ata gjithmonë përpiqen të na vështirësojnë punën në anëtarësim në mënyrë që ata të përfitojnë diçka”, tha Cana.

Me iniciativën e Bashkimit Evropian në marsin e vitit të kaluar Prishtina dhe Beogradi kishin nisur një dialog për normalizimin e marrëdhënieve në mes vete.

Gjatë nëntë raundeve të takimeve të mbajtura nën ndërmjetësimin e Brukselit, palët kishin konkluduar shtatë marrëveshje, në mesin e të cilave ajo për lirinë e lëvizjes, njohjen e diplomave, menaxhimin e integruar të kufirit dhe bashkëpunimin rajonal.

Zbatimi i këtyre marrëveshjeve dhe normalizimi i raporteve me Prishtinën figuron në mesin e parakushteve për Serbinë drejt marrjes së datës për nisjen e negociatave për anëtarësim në BE.

Shefi i seksionit politik, ekonomik dhe të integrimit evropian në Zyrën e Bashkimit Evropian në Kosovë, Thomas Gnocchi, nuk përjashtoi mundësinë që pas marrjes së datës për nisjen e negociatave për anëtarësim në BE, Serbia të vazhdojë qasjen bllokuese në raport me Kosovën.

Por, presioni evropian ndaj Beogradit, sipas tij, nuk do të ulët në procesin e integrimit të vendit.

“Nuk mund të imagjinoni një mundësi ku ata kalojnë hapin e radhës, hiqet presioni dhe ata bllokojnë prapë. Jo, sepse ka shumë hapa të tjerë më tutje”, u shpreh ai.

Derisa Serbia synon të nis negociatat për anëtarësim me BE-në gjatë vitit të ardhshëm, Kosova përpiqet të përmbushë kriteret e vëna për nisjen e negociatave që do të çonin në nënshkrimin e marrëveshjes për Stabilizim- Asociim.
Ky forum është mbyllur
Radhitja e komenteve
Komentet
     
Nga : Kosovari
12.12.2012 21:42
Pa deshiren e Bashkimit Europian Serbia nuk do te kishte mundesine lojes se dyfishte.
Nese zoteriu Thomas Gnocchi mendon seriozisht ate se cfaree ka cituar,ateher kjo i lejon Serbise lirisht te ju propozoj edhe Slobodan Miloshevicin dhe Ratko Mladicin ti shpallni heronj te Bashkimit Europian,dhe Bashkimi Europian ta bej kete.
Ce nga momenti kur Serbia te mer daten per antarsim ajo duhet te behet edhe me serioze nese Unioni eshte serioz dhe dicka ce duhet te ndodhe me Europen.
Per ndryshe Shqiptaret duhet ta din se nese Serbia largohet nga kushtet qe i paraqiten ne momentin e marjes se dates per antarsim do.te thot se Europa eshte pergjegjese dhe qendron mbrapa rebelimit te Serbise dhe askush tjeter.

Nga : Niko Prej : Gjermani
12.12.2012 01:42
A EDINI PSE SERBIA NUK I PERGJIGJET KUSHTEVE LEXONE O JU NJERZI TE PRAPAMBETUR A HALA SU MSUET ME SERBI A.... SE AJO JUVE JU QON ME PI UJE JU KTHEN PA PI PRA ME JUVE LUEN SI MACA ME MI, AJO SHEH MASE KODRE JO NE KODER, PRA KA TE SILLSH AJO JUVE JU DEL ZOT NASH PER POLITIK NASH ME FORCE NASH ME RRENA PERQKADUESH AJO ESHT MA E AFTE SE JU,EDHE EDIN MIER KUSH JAN SHIPTARET SE ME QINDRA VITE ESHTTU MBIZOTRUE MBI KOSOV PRANDEJ EDIN MIER SE SHIPTARET SJAN TE AFTE PER ME MAJT SHTET, POR VEQ ME VIEDH MU VRA, ME SHAJT ETJ ETJ....PRANDAJ KURR NUK LSHON PE VEQ NEQOFTSE KA FRIG NGA AMERIKA SE NEQOFTSE NUK KA FRIGE AJO SA PER EUROPEN KA ME TA MAJT KOSOVEN ME DOLLOVERE EDHE 100 VJET QISHTU OSE DUHET ME JA DHAN KOSOVEN NJIHERE TA MERRE VERIUN DIKUR JUGUN DIKUR KREJT KOSOVEN E MUS HARRONI KTO FJAL TE MIJA MERRNI O POLITIKANA SHTINI UN GJEP SE KJO NATE EDIT NUK FLEJN VEQ ME BA DOLOVERE PER KOSOVE KTA JAN SHUM ATDHETARE E JO SI SHIPTARET PER NJI FEMER HASHKA TA JEP KOSOVEN EDHE GRABOVSKIEDHE PLOT TJERET... MUS IHARONI KTO FJAL TMIJAT