E shtunë, dhjetor 20, 2014 Kosova 19:35

Bota

Egjipt: Vëllazëria Myslimane thotë se ka fituar referendumin

Votimet në Egjipt...
Votimet në Egjipt...
RFE /RL
Aleatët islamikë të presidentit të Egjiptit, Muhammad Morsi, thonë se shumica e votuesve në referendumin e së shtunës, kanë mbështetur draftin e ri të Kushtetutës.

Drafti, të cilin e mbështesin islamikët dhe Morsi, ka nxitur përçarje në vend.

Kundërshtarët thonë se ai shkel disa të drejta themelore të minoriteteve.

Në njoftimin që ka publikuar në Twitter, Vëllazëria Myslimane pohon se 57 për qind e votuesve kanë votuar për draftin e ri të Kushtetutës, ndërsa 43 për qind kanë qenë kundër.

Pjesëmarrja në votimet e së shtunës ka qenë e lartë. Raundi i dytë i votimeve në zonat e mbetura do të zhvillohet të shtunën e ardhshme.

Rezultatet zyrtare nuk priten derisa të përfundojë i tërë procesi.(v.t.)
Ky forum është mbyllur
Komentet
     
Nuk ka komente në këtë forum