E mërkurë, korrik 30, 2014 Kosova 19:11

Aktuale

Debat i ashpër në Kuvend për platformën e Serbisë

Kuvendi i Kosovës
Kuvendi i Kosovës
Seanca e fundit për këtë vit e Kuvendit të Kosovës është shndërruar në një debat të ashpër në mes të partisë në pushtet dhe opozitës, lidhur me të ashtuquajturën platformë e Serbisë për Kosovën, me theks të veçantë për veriun.

Përfaqësuesit e opozitës, veç tjerash kanë kritikuar qeverinë për mos reagime më të fuqishme karshi kësaj çështjeje.

Deputeti Skënder Hyseni, nga Lidhja Demokratike e Kosovës, tha se kryeministri nuk ka pse të flasë në emër të Evropës, apo të brengoset nëse platforma serbe është anti-evropiane, por duhet të brengoset dhe të flasë në emër të Kosovës.

Derisa nga Beogradi ka presione dhe Bashkimi Evropian tërhiqet edhe nga përdorimi, përkatësisht qëndrimi i mbrojtjes të integritetit territorial të  Kosovës, nga Prishtina nuk ka presione dhe rrjedhimisht të gjitha nismat që Beogradi i ndërmerr në Bruksel, e marrin dritën e gjelbër, zhvillohen, e marrin të drejtën e diskutimit dhe shkojnë tutje, ndërkaq, Prishtina reagon në mënyre retroaktive”, tha Hyseni.

Nga ana tjetër, Kryeministri i Kosovës, Hashim Thaçi ka theksuar se platforma e serbe për Kosovën, nuk do të gjejë zbatim dhe do të mbetet vetëm një ëndërr e parealizuar e Beogradit.

Kreu i ekzekutivit deklaroi po ashtu se në asnjë rrethanë, nuk do të ketë as autonomi, as ndarje, të Kosovës, por siç deklaroi ai, projektet e tilla do të mbeten në sirtarët e Beogradit.

E them me zotimin me të plotë para juve, deputetë të nderuar, dhe gjithë qytetarëve të Republikës së Kosovës, se dhe ky plan do të jetë i pa realizueshëm në Republikën e Kosovës. Nuk është plan i ri, është vazhdimësi e planeve të vjetra të Beogradit në raport me Kosovën. Por, në të njëjtën kohë ky plan është një hap prapa nga ana e Serbisë në procesin e normalizimit të marrëdhënieve në mes të shtetit të Kosovës dhe Serbisë”, deklaroi Thaçi.

Ai shtoi se plani i Kosovës është shumë i qartë, që sipas tij është respektimi i plotë i Kushtetutës së Kosovës, ligjeve të Kosovës si dhe dokumenti i presidentit Ahtisari.

Plani ynë është vazhdimi i punës për konsolidimin dhe forcomini e shtetit të Kosovës. Njohje edhe me të zgjeruar ndërkombëtare për vendin tonë dhe integrimin edhe me të shpejt e me të fuqishëm të vendit tonë në të gjitha institucionet relevante ndërkombëtare, duke përfshirë NATO-n dhe Bashkimin Evropian”, tha Thaçi.

Kurse, Visar Ymeri, shef i Grupit Parlamentar të subjektit politik Vetëvendosje, tha se i gjithë dialogu i nisur me Qeverinë e Serbisë është i gabuar dhe nuk do t’i sjellë asnjë të mirë Kosovës.

Normalizimi i marrëdhënieve me Nikolliqin, sot nuk e bën atë më të mirë, përkundrazi do t’ia rris atij apetitet për shkak së është dëshmuar deri tash se në secilin proces negociator sa më i mirë të jesh me Serbinë, dhe sa më shumë që ta ledhatosh Serbinë, aq më e keqe dhe me egër bëhet ajo ndaj nesh. Kjo po dëshmohet edhe tash dhe këtë ledhatim po ia bëni edhe ju si qeveri”, tha Ymeri.

Nga ana tjetër, nënkryetari i Kuvendit të Kosovës, Sabri Hamiti nga LDK-ja, ka kërkuar nga përfaqësuesit e Kosovës në bisedimet politike me Serbinë se para se të ndodh takimi i radhës, ndërmjet palëve të bisedohet në kuvend për atë se për çka do të flitet në takimet në Bruksel.

Në ketë gjendje të re që po krijohet me kushtëzimet që i jep Serbia dhe i çon si tekste në Bruksel dhe i bën publike, Republika e Kosovës nuk e di si bisedon për ta para se të kërkojë që ta t’i tërheqin forcat jo legjitime, forcat shtetërore të Serbisë në veri të Mitrovicë”, u shpreh Hamiti.

Siç është prezantuar nëpër mediat serbe, e ashtuquajtura platformë e Beogradit për Kosovën e cila do të prezantohej nga presidenti dhe miratohej nga Kuvendi, mes tjerash do ta bënte të qartë se Serbia nuk do ta njeh shtetin e Kosovës, por do të kërkonte një lloj statusi autonom për komunat veriore të banuara me serb, sipas modelit të Republikës Serbe në Bosnje.

Arton Konushevci

arton.konushevci+gmail.com

Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka një fëmijë.
Ky forum është mbyllur
Radhitja e komenteve
Komentet
     
Nga : Kosovari Prej : Shqiperi
20.12.2012 16:42
Merne rrafsh o burra,bisedoni te qet me njeri tjetrin,
Falenderoni miqte prndihmen dhe perkrahjen ,ofroni plartformen e juaj te perbashket per Republikene Kosoves.
Edheju e keni ate te drejt teplatformes Kosovare.
Mund ta kem gabim por besoj se edhe juve ju takon e drejta e platforms.
Me heretqireshavet ne REL- me opiniont e mia personale,tash mos mendoni se shkoni ne bruxeel per te hyre dhander por shkoni per te mbrojtur teresin teritorialete Kosoves .
Me Mozaik se ce beri Kosoven Ahtisari doni ta beni ju vet sepse ,nuk keni platforme bisedimesh.
Tani ju uroj shendetdhe suksese.
Mos mndoni sedo te mund te arsyetonimefjalet se miqte tane na ngushtun veprimt .
Platformen Kosovare.
Jo Republika e Krahina se keni ba kogja shume fshatra komuna serbe ne Kosove .