E martë, dhjetor 23, 2014 Kosova 05:21

Aktuale

Prishtina e revoltuar, por nuk tërhiqet nga bisedimet

Qeveria e Kosovës
Qeveria e Kosovës

Artikujt e ndërlidhur

Fotogaleri Preshevë: Protestë kundër heqjes së lapidarit

Në Preshevë është mbajtur protesta kundër heqjes së lapidarit të ushtarëve të rënë të Ushtrisë Çlirimtare të Preshevës, Medvegjës dhe Bujanocit. Xhandarmëria serbe ka larguar këtë monument të dielën në mëngjes, me urdhër të Qeverisë në Beograd.
Tensionet në Luginën e Preshevës që pasuan heqjen e lapidarit të dëshmorëve të UÇPMB-së nga ana e autoriteteve shtetërore serbe, dëmtojnë procesin e dialogut që po zhvillohet ndërmjet Kosovës dhe Serbisë, vlerësojnë përfaqësues të institucioneve dhe partive politike në Prishtinë.

Zëvendëskryeministri i Kosovës Hajredin Kuçi thotë se tensionimi i raporteve të shtetit serb me shqiptarët që jetojnë në Luginë të Preshevës, ndikon në tensionimin e raporteve shqiptaro – serbe në përgjithësi.

Këto zhvillime, sipas tij, rrjedhimisht ndikojnë edhe në dialogun që po ndërmjetësohet nga Bashkimi Evropian.

Hajredin KuçiHajredin Kuçi
x
Hajredin Kuçi
Hajredin Kuçi
Natyrisht se ka ndikim, Ne kemi thënë edhe më herët se zhvillimet në raport Kosovë – Serbi nuk mund të jenë normalizim në kurriz të shqiptarëve që jetojnë atje (në Serbi). Përkundrazi, çdo tensionim i raporteve të një pjese të shqiptarëve do të ketë cenim të raporteve shqiptaro – serbe në tërësi”.

Ne jemi të bindur që qeveria serbe do të mbledh mendjen dhe zhvillimet, identiteti kombëtar i shqiptarëve atje dhe kërkesat e tyre duhet të mbështeten të përafërta me ato që i mbështesim ne për minoritetin serb në Kosovë”, ka thënë Kuçi.

Në anën tjetër, Lëvizja Vetëvendosje e ka bërë edhe Qeverinë e Kosovës përgjegjëse për largimin e lapidarit dhe zhvillimet në Preshevë.

Deputeti i Vetëvendosjes, Glauk Konjufca thotë se kushtëzimi i vazhdimit të dialogut me Serbinë me mos heqjen e lapidarit do të ishte puna më e vogël që qeveria e Kosovës është dashur ta bënte.

Sipas tij, me politikën aktuale që po ndjek Qeveria e Kosovës po rrezikohet si pjesa veriore ashtu edhe Lugina e Preshevës.

Përderisa shqiptarët në Luginë nuk lejohen të kenë as një lapidar të vetëm përkujtimor, Qeveria e Serbisë i mbanë dhe i financon strukturat e veta kriminale në veri. Dhe, nëpërmjet kësaj politike që po e ndjek qeveria e Kosovës, ne nuk po mund ta mbrojmë as veriun e as Luginën e Preshevës”, thotë Konjufca. 

Me gjithë reagimet e autoriteteve më të lartë shtetërore të Kosovës pas heqjes së lapidarit nga sheshi në qendër të Preshevës, Prishtina zyrtare nuk e ka vënë në pikëpyetje vazhdimin e dialogut me Serbinë.

Ramush TahiriRamush Tahiri
x
Ramush Tahiri
Ramush Tahiri
Pas takimeve në nivelin e kryeministrave, pritet që dialogu të vazhdojë edhe me takimet në nivel presidentësh. 

Ramush Tahiri, këshilltar politik i presidentes Atifete Jahjaga ka konfirmuar të hënën se gjatë shkurtit, përkatësisht marsit pritet që në Bruksel të mbahet takimi i parë ndërmjet presidentes së Kosovës, Atifete Jahjaga dhe presidentit të Serbisë, Tomisllav Nikolliq.

Takimi është thënë se do të mbahet shumë shpejt dhe është caktuar edhe data dhe agjenda e takimit. Mirëpo, i takon Bashkimit Evropian që ta tregon datën e saktë, por do të ndodhë, të themi brenda shkurtit ose eventualisht marsit dhe do të mbahet në Bruksel. Aty do të bisedohen çështjet parimore dhe do t’i jepet shtytje procesit të deritashme të dialogut dhe të themi, përkrahje në nivel të burrështetasve”, ka thënë Tahiri për televizionin publik.

Dialogu Prishtinë – Beograd, sipas ndërmjetësuesit, që në këtë rast është Bashkimi Evropian, ka për synim arritjen e një marrëveshje për normalizimin e marrëdhënieve ndërmjet Kosovës dhe Serbisë, e cila besohet se do të nënshkruhet nga ana e presidentes Jahjaga dhe presidentit Nikolliq.

Megjithatë, zhvillimet e fundit në Preshevë dhe tensionet në veri të Kosovës shihen në vazhdimësi si kërcënim për epilogun e këtij dialogu.

Zijadin Gashi

zijadin.gashi+gmail.com

Zijadin Gashi, i lindur më 01 janar 1973 në Prishtinë. Me gazetari ka filluar të merret që nga viti 1997. Si korrespondent i Radios Evropa e Lirë punon që nga maji i vitit 2001.

Twitter
Ky forum është mbyllur
Radhitja e komenteve
Komentet
     
Nga : Anonim
22.01.2013 17:42
O Shqiptare shum pluhur po coni,po gjemoni si Luaj e po ikni si Lepuj.
Po ju vete jeni ata qe desh e mbytet Ibrahim Rugoven per Hashim Thaqin,Aedm Grabovcin,Xhavit Halitin e shoket e tyre.
Ju jeni qe larguat njerezit eLapsit e prute ne Qeveri njerezit e rruges.
Allahile po ju pyes a seriozisht mendoni se kjo klse do te jubie prosperitet dh dinjitet Kombtare.
E pacet veten ne qafe Albanians.

Nga : luli kroaci Prej : kroacija
22.01.2013 12:30
Kryministr jon shet patrijotizem ne parlamentom ekosoves kur te shkon me besedu me kreminele ateher bahet si kingj lar lar

Nga : Nja nga populli Prej : Nga Prishtina
22.01.2013 09:09
Po ku ka dijalog me Serbet a keni haru te thanmet e parve tan serbi don veq dru t'njom per shpine ja me ja bombardu zemren,ndryshe nuk miresh vesh me ta.Let e renon dikush kullen e Parisit, te shohim kush po dijaligon me ta,apo to vepronte si USA per binake te veta.

Nga : Florini Prej : gjermani
22.01.2013 01:46
Po turpi se ka mbyt askend besa edhe kolaboratoret e Millosheviqit si mbyti,po a ka turp ma te madh te takoheni pa as nje kusht kur populli i yne vritet per se dyti-a ka turp me te madh te takoheni me djalin e milloshit njeriut qe te gjitha te zezat ua ka ba dhe ja ban shqiptareve.Po si spo ju vjen turp uleni e bisedoni per serbet e veriut kurse dhe as nje fjal me te vogel nuk u thoni per te drejtat e shqiptareve te Kosoves lindore.Po a ka turp me te madh qe lejoni qe serbia te perzihet ne punet e brenshme te Kosoves kurse per shqiptaret nen Serbi daqiq thot se jan pune te brenshme te Serbis.Po a ka turp me te madh ku dhe keni neshkru marrveshjen per doganimin e mallit ne veri ku ato te ardhura do te menagjohen nga EU serbi dhe ju per ivestime ne veri kurse akoma kemi nana e femij shqiptar qe kan fliju me te afermit e tyre per nje Kosove te lire e nuk kan apsolut kushtet per jet e shumi prej tyre akoma flejn nen tenda.Zgjo o Hashim Thaqi se je ka punon shum keq o zoteri do te vie dita qe do te mallkoj ky popull

Nga : vushtrrija Prej : gjermani
21.01.2013 22:53
po shikoni si boj turr me bise du me serb tash edhe Dada atifete se keq u met po ska faj se i paguhet meditja per qata shkon Dada ate tuuuurp kqyre qka po na bajn shkijet e ne shtyhemi me shku me bisedu me ta

Nga : rama, Prej : prishtin
21.01.2013 19:07
O mas ja prishni thaqit kumarin me dadiqin ..

Nga : ZOJA Prej : ZVICRRA
21.01.2013 18:56
MENDIMI IM PERSONAL ME SKA ME KAN TE BISEDOHET KOSOVA ESHTE E RRUGES TA FORCOJ SHTETIN NUK KA NEVOJ PER BISEDIME ME SERBIN NE DUHET TE BISEDOJME ME EUROPEN SHTRIGE ATJE ESHTE BARRA KRYSORE ATA ISHIN ATEHERE QE I COPTUAN TROJET SHQIPETARE ATA DUHET ME DHAN LLOGARI. PSE I COPTUAN TROJET SHQIPETARE.

Nga : pf.weiler Prej : germany
21.01.2013 18:04
Shqiptari me i fort se guri nuk lufton pa u mbeshtet per muri.
Oooooo njerez ne nuk kemi fuqi as menquri e as njerz qe luftojne.
Ata qe do te luftonin kan vdekur ne luften qlirimtare pushtetaret nuk e humbin karrigen per keso gjerash dhe kjo gje perfundon ne menyre paqesore