E premte, korrik 25, 2014 Kosova 05:37

Aktuale

Hetime për dëmtimin e varrezave serbe

Policia e Kosovës
Policia e Kosovës

Artikujt e ndërlidhur

Dëmtim varrezash në Prizren dhe Kllokot

Autoritetet e rendit kanë njoftuar se një numër varrezash ortdokse serbe janë dëmtuar në Prizren dhe Kllokot dhe se janë shtuar masat e sigurisë dhe patrullimet përreth monumenteve serbe.
Në zonat e përgjegjësive të drejtorive rajonale të Policisë së Kosovës, tashmë janë iniciuar procedurat hetimore lidhur me dëmtimin e varrezave ortodokse serbe, të cilat, ditë më parë  ishin cak i sulmeve vandale në disa pjesë të Kosovës, njoftojnë zyrtarët e Policisë së Kosovës.

Zëdhënësi i kësaj policie, Arbër Beka,  i ka thënë Radios Evropa e Lirë se në drejtorinë rajonale të Prishtinës janë iniciuar dy raste, ashtu sikurse edhe në drejtorinë rajonale të Gjilanit.

Njëra bën fjalë për një lapidar të luftës së dytë botore, që është demoluar dhe me këtë rast policia ka arrestuar tre persona të dyshuar. Pas konsultimeve me prokurorin, janë liruar në procedurë të rregullt. Rasti tjetër është regjistruar në Kllokot. Është raportuar në drejtorinë rajonale të Gjilanit rasti për dëmtimin e varrezave, ku në total janë dëmtuar 27 varreza. Në Prizren është regjistruar po ashtu një rast ku janë dëmtuar 38 pllaka përkujtimore të varrezave”, u shpreh Beka.

Ai shtoi se edhe në rajonin e Mitrovicës, përkatësisht në Vushtri është shënuar një rast i dëmtimit të një varreze.

Pas incidenteve, sipas Bekës, Policia e Kosovës ka ngritur masat e sigurisë për ruajtjen e sigurisë së përgjithshme në vend, me fokus në ruajtjen e objekteve të trashëgimisë kulturore dhe fetare.

Duke pasur parasysh që gjatë ditëve të fundit kanë qenë disa raste për dëmtimin e varrezave të komunitetit, në të gjitha drejtoritë rajonale dhe stacionet policore janë ngritur masat e sigurisë për ruajtjen e tyre".

"Sa u përket rasteve që tashmë janë iniciuar, zyrtarët policorë, qofshin nga njësia e hetimeve ose sektor të tjerë, janë në koordinim të plotë për të gjitha aktivitetet hetimore me prokuroritë kompetente në kuadër të Republikës së Kosovës dhe do të presim zhvillimet në detaje të kësaj procedure hetimore
”, tha ai.

Në anën tjetër, Ministria për Komunitete dhe Kthim e Qeverisë së Kosovës u ka bërë thirrje institucioneve qendrore dhe lokale, por edhe atyre ndërkombëtare, që të angazhohen për sanimin e dëmeve në varrezat e dëmtuara.

Ivica Tanasijeviq nga kabineti i ministrit për Komunitete dhe Kthim, Radojica Tomiq, i ka thënë Radios Evropa e Lirë se kjo ministri ka paralajmëruar gatishmërinë për ndarjen e mjeteve për sanimin e varrezave të dëmtuara ortodokse serbe në disa pjesë të Kosovës.

Sa i përket Ministrisë së Komuniteteve dhe Kthimit, ministri tashmë është në bisedime me partnerët në pushtetin qendror, por edhe me ata ndërkombëtarë, u ka thënë se në rastin e  ngjashëm që kishte ndodhur në Fushë Kosovë, mjetet ishin miratuar me kërkesën e zëvendës-kryeministrit, për sanimin e  dëmeve në varreza".

"Pra, ministri ka shprehur gatishmërinë që të marrë pjesë në ndarjen e mjeteve për sanimin e përkujtimoreve të varrezave, por ai gjithashtu ka thënë se këtë do ta kërkoj në qeveri
”, tha Tanasijeviq.

Ai ka theksuar gjithashtu, se kjo ministri ka kërkuar që riparimi i varrezave të dëmtuara të nisë urgjentisht.

Qëndrimi i Ministrisë për Komunitete dhe Kthim është që dëmet të sanohen sa më parë që është e mundur, do të thotë në në afatin më të shkurtë të mundur. Kjo do të kërkohet edhe nga vet Qeveria”, ka theksuar Tanasijeviq.

Ndryshe, aktet vandale të dëmtimit të varrezave ortodokse serbe në rajonet e ndryshme të Kosovës, kanë pasuar pas heqjes së lapidarit që u ishte kushtuar luftëtarëve të rënë të UÇPMB-së në Preshevë nga ana e xhandarmërisë serbe.

Krerët e institucioneve më të larta të Kosovës, të mekanizmave ndërkombëtarë në vend, si dhe institucioneve fetare, i kanë dënuar aktet vandale mbi varrezat ortodokse serbe, duke i quajtur si veprime të papranueshme dhe u kanë bërë thirrje organeve të rendit që t’i kapin autorët e këtyre akteve vandale dhe t’i vënë ata përpara drejtësisë.

Bekim Bislimi

beka.bislimi+gmail.com

Bekim Bislimi ka lindur më 20. 03. 1968 në Vërban të Vitisë. Prej muajit dhjetor të vitit 2001 e deri më tash punon si korrespondent i Radios Evropa e Lirë, për shërbimin në gjuhën shqipe.
Ky forum është mbyllur
Radhitja e komenteve
Komentet
     
Nga : KOSOVARI Prej : FRANCE
23.01.2013 18:23
A more Shqiptar shum keni me hjek per mend skeni koke, e aq ma shume diplomaci , shiqoni qka eshte sherri serbit e hjeken lapidarin e UCPMB edhe dy dite siq e kemi edhe zanat ne bajm zhurem kush snaj vnon veshin e serbi prish varrezat ne Kosove vetem per ta humbur shikjimin e opinionit nderkombtar ndaj Lugines se Presheves e qeveria jone leje qe ska dite qe del me denime e gjetjen e keq beresve sa ma frik para gjyqit, e ku mbet Mitrovica as dheun nuk marrin guxim me hjek eshte bere edhe bari ati thuja se ska pas kurr udhe aty, e pate se qka eshte Serbi se kogja harruat luften po eshte KFORI se per 24 ore i keni ne Prishtine ata Qetnik qe hoqen Lapidarin.
Në përgjigje

Nga : Haxhi Prallagjia Prej : Shkup
24.01.2013 15:18
Ec more mer qeveresijen ne Prishtin ca ban ti ne FRANCE<.
Ti je legjend e gjalle Europiane.
spo e din komentust kush je ti se me e dit ste kundrshtojn.
Shko tregoju Preshevareve se duhet ndenjur afer teje qe te mos u ndodh ndoj e keqe.
Se te frigohen ty per punet e tua te mehershme.trimerore Qetniket.
Në përgjigje

Nga : jo i gezum Prej : evropa
24.01.2013 10:03
te lumte Kosovar shkruan shum mire .Por nje gabim e ke

mos me kone KFORI ne behem rafsh per 15 minuta e jo per 24 ore .pershendetje
Në përgjigje

Nga : mema Prej : peje
24.01.2013 09:47
Po nuk eshte krejt ashtu zotri , se edhe para prishjes se permendores neper forume ka pas thirrje se edhe ne do tua prishim permendoret ne kosove . Nuk jemi as na te mire qysh mendojme