E enjte, gusht 28, 2014 Kosova 03:02

Aktuale

Pa marrëveshje për “koalicionin e natyrshëm”

Artikujt e ndërlidhur

Nuk e lëshojnë postin e kryeministrit

Bisedimet për koalicionin e shumëpërfolur ndërmjet PDK-së dhe AAK-së kanë mbetur ende në fazën fillestare ku të dyja palët e shohin si të panegociueshëm postin e kryeministrit.

Koalicionin PDK – AAK e rrezikon synimi për postin e kryeministrit

Nga java e ardhshme është paralajmëruar nisja e bisedimeve ndërmjet PDK-së dhe AAK-së, në lidhje me formimin e një koalicioni qeverisës. Zyrtarë nga këto dy parti, i shpalosin pozicionet e tyre, ku dallojnë në çështjen e marrjes nën drejtim të postit të kryeministrit.

“UÇK Qeveria” kërkesë ndërkombëtare para bisedimeve me Serbinë

Paralajmërimet për krijimin e koalicionit qeverisës ndërmjet PDKsë dhe AAK-së në prag të dialogut të ardhshëm politik me Serbinë, nga analistët në Prishtinë shihen si një zhvillim jo i mirë për Kosovën.
Takimi ndërmjet  liderit të Partisë Demokratike të Kosovës, Hashim Thaçi dhe liderit të Aleancës për Ardhmërinë e Kosovës, Ramush Haradinaj, nuk ka rezultuar me ndonjë marrëveshje për një bashkëqeverisje të këtyre dy partive.

Përfaqësuesit e të dy partive thonë se ky koalicion ka qenë i dëshirueshëm për të dyja partitë, por se ato nuk kanë arritur marrëveshje për shkak të modaliteteve.

Behar Selimi, deputet në Kuvendin e Kosovës nga partia Demokratike e Kosovës, thotë se oferta e Aleancës për Ardhmërinë e Kosovës që, bashkëqeverisja me PDK-të të jetë nën drejtimin e Ramush Haradinajt si kryeministër, nuk është pranuar nga partia Demokratike e Kosovës.

“Koalicioni, qysh moti, është paralajmëruar mbi bazën e një kërkese shumë specifike që e ka pasur Aleanca, për ‘qeveri Haradinaj’, ndërkohë që PDK mendonte dhe vazhdon të mendojë se koalicioni mund të ndodhë dhe ka parakushte të mira që të ndodhë, nëse do të ishte fjala për ‘qeveri Thaçi’, të cilës i bashkëngjitet Aleanca".

"Ndërkohë, nga takimi që kanë pasur liderët, përfundimisht del se koalicioni formal nuk mund të realizohet tash dhe mbi bazën e këtyre rrethanave politike dhe këtyre kërkesave që e përjashtojnë njëra tjetrën”, thotë Selimi për Radion Evropa e Lirë.

Burim Ramadani, deputet në Kuvendin e Kosovës nga Aleanca për Ardhmërinë e Kosovës, ka theksuar se në takimin ndërmjet Thaçit dhe Haradinajt, në mënyrë definitive është qartësuar situata  dhe se nuk do të ketë koalicion qeverisës ndërmjet PDK-së dhe AAK-së.

Sipas tij, Ramush Haradinaj ka ofruar mundësinë për ndryshimin e kursit të qeverisë, por kjo mundësi nuk u shfrytëzua nga partia në pushtet. 

Ramadani thekson se ofertat e PDK-së për bashkëqeverisje në krye me Hashim Thaçin, kanë qenë të papranueshme për AAK-në, e cila tashmë pret zgjedhjet e ardhshme parlamentare.

Në fakt, ne nuk kemi pasur as në plan që të dëgjojmë oferta të tjera, për shkak se oferta jonë është një zgjidhje politike për situatën në të cilën jemi. Pra, nuk ka qenë vetëm një çështje e momentit".

"Kemi besuar dhe besojmë se gjendja në Kosovë është e keqe dhe kemi tentuar që këtë gjendje të keqe ta përmirësojmë përmes ndërrimit të qeverisë dhe udhëheqjes së qeverisë nga zoti Haradinaj. Sidoqoftë, Aleanca, si parti opozitare do të shfrytëzoj të gjitha mekanizmat demokratik për të ngritur besimin e qytetarëve për zgjedhjet e ardhshme”, thotë Ramadani.

Por, deputeti i PDK-së, Selimi beson se në të ardhmen, por jo të afërt, PDK dhe AAK do ta arrijnë një koalicion, i cili sipas tij është i natyrshëm.

“Unë personalisht mendoj që është shumë e natyrshme që herë do kurë, në mos tash, në të ardhmen e afërt, që i bie në vitet në vazhdim, do të kishte kuptim një lloj koalicioni ndërmjet këtyre dy subjekteve, duke qenë se që të dyja ‘qojnë goxha rëndë’, do të thotë, në kuptimin e vendim-marrjes shtetërore dhe kombëtare”, thekson Selimi për Radion Evropa e Lirë.

Por, pavarësisht mosarritjes së pajtimit për një bashkëqeverisje me PDK, Aleanca për Ardhmërinë e Kosovës, sipas deputetit të saj Ramadani, do të vazhdojë ta japë kontributin e saj në proceset nëpër të cilat po kalon vendi.

Janë tri procese, në të cilat Aleanca, si parti opozitare, po e jep kontributin e vet. Këto janë; reforma zgjedhore, integrimet evropiane dhe bisedimet me Republikën e Serbisë. Në të tri këto procese ne do t’i ruajmë angazhimet dhe kontributin tonë, ndërsa në pjesët tjera do ta vazhdojmë jetën tonë partiake si parti opozitare”, bën të ditur Ramadani.

Ndryshe, mundësia e arritjes së një koalicioni qeverisës ndërmjet PDK-së dhe AAK-së ka qenë paralajmëruar nga lideri i AAK-së, Ramush Haradinaj, që nga lirimi dhe kthimi i tij nga Tribunali i Hagës, ku ai u shpall i pafajshëm përballë akuzave ndaj tij.

Haradinaj pati  proklamuar mundësinë që të merrte nën drejtim qeverinë në bazë të një marrëveshjeje me PDK-në e kryeministrit Thaçi, marrëveshje e cila sot përfundimisht nuk u arrit.

Bekim Bislimi

beka.bislimi+gmail.com

Bekim Bislimi ka lindur më 20. 03. 1968 në Vërban të Vitisë. Prej muajit dhjetor të vitit 2001 e deri më tash punon si korrespondent i Radios Evropa e Lirë, për shërbimin në gjuhën shqipe.
Ky forum është mbyllur
Radhitja e komenteve
Komentet
     
Nga : ferati Prej : gjermani
05.02.2013 07:57
ramushi duhet me msu gjuhen shqipe niher tani me msu me shkru shqip e tani a i vjen ratha me kan kryminister a jo

Nga : goni Prej : gjermani
04.02.2013 21:10
E MORE HASHIM PO SHUM I PA SHPIER JE MOS LUJ ME FMI SE ESHT MKAT SE RAMA U BA GATI PO NUK I DUL QYSH MENDOJ
Në përgjigje

Nga : din Prej : usa
04.02.2013 22:30
Meso me shkru shqip! Huren sohn ,Ramushit nuk I duhen kriminelat me shpetu Atdheun nga krimi.

Nga : aktuali Prej : pej
04.02.2013 16:46
e ju AAK deshet ta pshtoni kosoven demek a pse z.Haradinaj a pat shkop magjik a . kosova nuk e ka te let deri sa egzistojn keto parti politike ldk. pdk .aak vvd e gjitha tjerat , krejt jeni nisoj .