E martë, korrik 29, 2014 Kosova 10:38

Aktuale

KEK-u dhe ankesat e qytetarëve

Pamje nga protestat para KEK-ut
Pamje nga protestat para KEK-ut
Me gjithë protestat e qytetarëve për fatura të fryra dhe çmime enorme të energjisë elektrike, të cilat kanë vazhduar edhe të premten, zyrtarë të Korporatës Energjetike të Kosovës vazhdojnë të deklarojnë se nuk është bërë ndonjë gabim kolektiv, por qytetarët aq sa kanë shpenzuar rrymë, aq edhe do të paguajnë.

Mund të ketë ndonjë gabim individual, por jo kolektiv. Dihet që leximi bëhet me sy dhe në leximin e 450 mijë konsumatorëve mund të bëhet ndonjë gabim eventual, por jo grupor”, thotë zëdhënësi i KEK ut, Viktor Buzhala.

Sipas tij, në rast të gabimit të leximit të orës te ndonjë qytetar eventual, do të  shqyrtohet ai rast, përmes grupit që tashmë KEK-u ka formuar enkas për këtë çështje.

“KEK-u e ka krijuar grupin e veçantë për t’i adresuar të gjitha ankesat eventuale që mund t’i ketë një grup apo individ. KEK-u ka shqyrtuar të gjitha ankesat që i ka pranuar deri sot. Nëse ka ndonjë gabim, do të shqyrtohet”, sqaron Buzhala.

Edhe të premten është protestuar para ndërtesës së KEK-ut për të njëjtën arsye - shtrenjtimin e rrymës dhe faturat e fryra. Protestuesit japin mendimet e tyre rreth asaj se si u janë llogaritur faturat.

“Është rast i nxënies në flagrancë të një institucioni publik, duke i vjedhur qytetarët, duke u inkasuar shuma marramendëse qytetarëve që jetojnë në një shkallë të lartë të fukarallëkut. Një faturë prej 200 eurosh për një amvisëri nuk është normale as në Londër, e as në Paris, e lëre më në Kosovë, me një papunësi kaq të madhe. Protesta është bërë në atë drejtim, për tërësinë e hajnisë që bëhet në Kosovë dhe heshtet  derisa kalon para syve tanë”, shprehet Yll Hoxha.

Edhe një tjetër qytetar, Kujtim Pllana, në mikrofonin e Radios Evropa e Lirë, thotë:

“Më është dyfishuar fatura. Mendoj që më është bërë e padrejtë. Unë jetoj vetë dhe gjithë ditën nuk jam në shtëpi, derisa fatura e rrymës më ka ardhur 40 euro”.

Ndërkaq, në pyetjen tonë për zyrtarë të KEK-ut, se a po shqetësohen për faktin se tashmë qytetarët për të dytën ditë me radhë po protestojnë, Buzhala ka një përgjigje:

“Asnjë kompani nuk ka dëshirë që të protestohet kundër saj. Por, ne ju sigurojmë se nuk ka fatura të fryra, e vetmja gjë qëndron që leximi është bërë në bazë të harxhimit të rrymës dhe duhet të paguajnë”.

“Në orët e vjetra ka pasur mundësi të manipulimit dhe konsumatorët kanë manipuluar tariforin, derisa orët digjitale e kanë tariforin e integruar, por që është 9 orë vetëm në tarifën e lirë dhe 16 orë me tarifën e shtrenjtë”.
 

Korporata Elektro- energjetike e Kosovës deri tani ka instaluar rreth 57 mijë njehsorë të rinj elektronikë në gjithë Kosovën.

Ariana Kasapolli - Selani

arianakasapolli+gmail.com

Ariana Kasapolli - Selani ka lindur më 15.04.1980 në Prishtinë. Shkollimin fillor, të mesëm dhe universitar e ka ndjekur në Prishtinë, ku edhe ka diplomuar në Fakultetin e Gazetarisë. Si korrespondente e Radios Evropa e Lirë punon që nga viti 2009. Është e martuar dhe ka tre fëmijë.
Ky forum është mbyllur
Radhitja e komenteve
Komentet
     
Nga : Ibrahim Prej : Bejtullahu
09.02.2013 11:16
Sipas Buzhales dhe tariforëve të integruar t'KEK-ut dita i paska 25 orë. Deri ku mundet me ju shku kjo filozofi?????????? Cila ka me qenë shpikja e radhës?

Nga : KOSOWAR Prej : KOSOVE
08.02.2013 21:35
KETA JANE HAJNA SIQ ESHTE EDHE KJO QEVERI KRIMINELE DHE HAJNASH SE KETA DOJNE TE NA GJUJNEZOJNE KETA DUHETE LARGUE ME FORCE SIKUR QUSHESKUN SKA MBETE ME ASGJE PERVEQ LUFTES SE HAPUR KUNDER QEVERISE KRIMINELE ENVERISTE DIKAKTURIALE SE NE JEMI NE DIKATATURE ,,KETA HAJNA DUHET BURGOSE OSE DUHETE GJYKUAR NE GJYQ ME DEKADA BURG SE KETE NUK E DIJNE QKA DMTH SKAMJA KETE KAN MILIONA ME HAJNI PA DJERSE VEQ ISHALLA ALLAHU UA KTHEN ATY KU JU DHEMB MESE SHUMETI ,,SHPEJT VJEN KOHA QE DOTE GJYKOHEN MOS TE HARROJNE SE BOLL DURUAM KETE KRIMINELA ,,HAJNA SKEMI HARRUE AKOMA EDHE SDOTE HARROJME ,HARAM JU QOFTE DJERSA JONE KURRE HAJRIN MOS UA PAVSHIM TURP TURP TURP DIKUSH SHPEJT KA ME DHENE PERGJEGJESI ,,KUJTONU PISA!!!!!