E shtunë, korrik 26, 2014 Kosova 00:17

Aktuale

Jakup Krasniqi fiton “zemrat” e opozitës

Jakup Krasniqi
Jakup Krasniqi
Kryetari i Kuvendit të Kosovës, Jakup Krasniqi, ndonëse nuk mori pjesë në Konventën e VI të Partisë Demokratike, ka siguruar mbështetjen e opozitës për vazhdimin e mandatit në krye të legjislativit.

Si një nga ata që ka shprehur mendime ndryshe në raport me politikat e udhëhequra nga kryeministri Hashim Thaçi dhe disa nga deputetët e PDK-së, Krasniqi në vijimësi ka paraqitur një zë alternativ brenda partisë më të madhe në pushtet.

Në fund të vitit të kaluar, pas publikimit të disa incizimeve të bisedave telefonike të zhvilluara ndërmjet zyrtarëve më të lartë të PDK-së, disa prej tyre kishin shprehur haptas dëshirën për shkarkimin e Krasniqit.

Përmbajtja e atyre telefonatave dhe fyerjet në adresë të Krasniqit, besohet të kenë qenë një nga arsyet pse ai nuk mori pjesë fare në Konventën e PDK-së.

Sidoqoftë, Krasniqi tha të hënën se pavarësisht mospjesëmarrjes së tij në procesin zgjedhor në PDK, mandati i tij si deputet dhe kryetar i Kuvendit të Kosovës, buron nga vota e qytetarëve dhe se nuk i druhet asnjë mocioni që mund të ngre eventualisht kundër tij, Partia Demokratike.

Unë një gjë duhet të ju them. Më së paku kam menduar për vete dhe për postin tim. Mendoj që këtë duhet të keni të qartë edhe ju edhe ata që i informoni. Për karrierën time politike e kam pas thënë një rast dhe po e them, janë, qytetarët e Kosovës ata që e përcaktojnë”, ka thënë Krasniqi.

Në mbështetje të vazhdimit të mandatit të Krasniqit në krye të Kuvendit janë shprehur edhe përfaqësuesit e opozitës. 

Shefi i Grupit Parlamentar të Lidhjes Demokratike të Kosovës, Ismet Beqiri tha se LDK nuk do të mbështes asnjë mocion të PDK-së për shkarkimin e Krasniqit. Ai madje ka thënë se Krasniqi e ka derën hapur që të kthehet në LDK nëse ai do të dëshironte këtë.

Çdo qëndrim i PDK-së, veçmas i kësaj PDK-së aktuale, është qëndrim që nuk duhet të përkrahet. Nuk e di se çka del si qëndrim a kërkesë e tyre e që është racionale. Kjo i bie që nuk do të kenë sukses”, ka thënë Beqiri.

Ndërkohë, edhe shefi i Grupit Parlamentar të Vetëvendosjes, Visar Ymeri tha se çfarëdo tendence për shkarkimin e Krasniqit nuk do t’i merrte edhe votat e kësaj partie politike në Kuvend.

Ne konsiderojmë që Jakup Krasniqi është kryetar i Kuvendit të Kosovës dhe natyrisht që nuk do ta përkrahim tendencën e kujtdo për ta shkarkuar atë nga posti i kryetarit”, ka thënë Ymeri.

Krasniqi është zgjedhur në krye të Kuvendit për të dytën herë. Gjatë udhëheqjes së seancave, Krasniqi nuk ka hezituar ta qortoj qeverinë për politikat e saj, kurse i ka dalë shpesh në mbrojtje opozitës në kërkesat e veta.

Së fundit, vetëm dy ditë para Konventës zgjedhore të PDK-së ku Hashim Thaçi pa kundërkandidat u rizgjodh në postin e kryetarit të partisë, Jakup Krasniqi foli për sfidat me të cilat po ballafaqohet shteti i Kosovës duke veçuar korrupsionin dhe mungesën e sundimit të ligjit në vend.

Zijadin Gashi

zijadin.gashi+gmail.com

Zijadin Gashi, i lindur më 01 janar 1973 në Prishtinë. Me gazetari ka filluar të merret që nga viti 1997. Si korrespondent i Radios Evropa e Lirë punon që nga maji i vitit 2001.
Twitter
Ky forum është mbyllur
Radhitja e komenteve
Komentet
     
Nga : Niti Prej : New York
29.01.2013 02:13
Oh sa mire ky komenti i- Drenica Legjendare-
se kaher skem skam ni ndonje koment kunder PDk te Hashimit po si doket edhe ajo pjese e Kosoves e cila e votuan vet jane merzite me hajnit e tina,
me vjen mire se populli po i hape syte dhe po e shef qeltas se ky thaqi me hajdutet e veq ata u pasuruan kurse populli vuan nga varferia,

Nga : peja Prej : gjermani
29.01.2013 01:59
jakup krasniqit ska kush qka ti ben sja tremb kush syrin thaq e apo sami lushtak kta jan te vëgjel jakupi ka mbeshtetjen e popullit edhe te familjes legjendare jashari aj ka simpati te madhe ne gjith kosovon edhe te ramushit

Nga : kosovari Prej : france
28.01.2013 15:18
jakupi ti ka mreh brinat opozite,harrove ku je,por nuk do ta dish se as ku do je
Në përgjigje

Nga : Drenica Legjendare Prej : Drenicë
28.01.2013 16:29
Oj parti ta lumsha synin
Z'guxon kush me ta hjek Hashimin
Do te jet krytar edhe per shumë vjet
Deri sa te rrasin n'burg shokët e vet.

Oj parti o dritë e diell
Ne nuk kemi buk as miell
Veq per ty tuj punu
Dojm Kosovën me varfnu.

I lum populli qe ju ka ju
O sa shumë jeni pasuru
Me hajni e tradhëti
Bani biznes me serbi.

O populli im i bekuar
Lirohu nga diktatori qe t'ka robëruar
O populli im atdhetar
Zgjohu se koha ka ardhë.