E dielë, maj 24, 2015 Kosova 11:10

Lajmet

Berlin: Nga alarmi i rrejshëm evakuohet Konsullata e SHBA-ve

Pamje nga sulmi në Ambasadën e SHBA-ve në Sana të JemenitPamje nga sulmi në Ambasadën e SHBA-ve në Sana të Jemenit
x
Pamje nga sulmi në Ambasadën e SHBA-ve në Sana të Jemenit
Pamje nga sulmi në Ambasadën e SHBA-ve në Sana të Jemenit
Një alarm i rrejshëm sot ka shkaktuar evakuimin e pjesërishëm të Konsullatës amerikane në Berlin.

Një pjesë e ndërtesës, në lagjen Dahlem, ishte evakuuar për shkak të shqetësimeve se ishte liruar tym helmues, meqë personeli i vizave ishte ankuar për probleme të befasishme me frymëmarrje, pasi një person, që besohet se ishte shqiptar, ia kishte dhënë pasaportën e tij nëpunëses në sportelin e vizave.

Sipas policisë, ky person ka thënë se kishte kërkuar vizë.

Më vonë policia e ka përshkruar alarmin si të rrejshëm.

“Nuk është zbuluar ndonjë kërcënim dhe ndërtesa është hapur përsëri”, tha një zëdhënëse e policisë.

Ky shqetësim ka ndodhur në kohën kur në Lindjen e Mesme janë sulmuar Ambasadat e Shteteve të Bashkuara, ndërsa nga sulmi në Konsullatën amerikane në Bengazi të Libisë është vrarë Ambasadori amerikan, Kristofer Stivens, dhe tre zyrtarë të tjerë.

Sulmet kishin ndodhur për shkak të një projekti filmik, në të cilin bëhet tallje me Profetin Muhamed.

Përzgjedhja Jonë

Priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.