E premte, korrik 25, 2014 Kosova 08:43

Lajmet

NATO i kërkon Koresë V. të anulojë lëshimin e raketës

IlustrimIlustrim
x
Ilustrim
Ilustrim
NATO-ja i ka bërë thirrje Koresë së Veriut që të anulojë planet e saj për lansimin e raketës me rreze të gjatë veprimi, duke thënë se ajo do të shkelte rezolutat e Kombeve të Bashkuara.

Phenjani ka thënë se do të testojë raketën ndërmjet 10 dhe 22 dhjetorit.

Ambasadorët e NATO-s, përmes një deklarate të përbashkët, kanë thënë se veprimi i tillë mund të destabilizojë edhe më tej Gadishullin Korean.

Phenjani ka bërë një lansim të tillë në muajin prill, porse ka dështuar shpejt për shkak të problemeve teknike.

Ai e ka të ndaluar të kryejë prova raketore nën rezolutat e Kombeve të Bashkuara.

Shtetet e Bashkuara dhe Koreja e Jugut besojnë se shteti komunist teston raketa me rreze të gjatë, në përpjekje për të zhvilluar raketën interkontinentale balistike, të aftë për të bartur koka bërthamore.