E dielë, maj 24, 2015 Kosova 07:06

Lajmet

Lavrov. Ndalja e adoptimit të fëmijëve rusë – gabim

Sergei LavrovSergei Lavrov
x
Sergei Lavrov
Sergei Lavrov
Ministri i jashtëm rus, Sergei Lavrov, tha se imponimi i ndalesës së adoptimeve të fëmijëve rusë nga ana e shtetasve amerikanë, do të ishte “gabim”.

Këto komente të Lavrovit u bënë derisa Dhoma e Ulët e Parlamentit të Rusisë, po e përgatit debatin për një legjislacion, me të cilin përfshihet edhe ndalesa në adoptimin e fëmijëve rusë nga ana e shtetasve të Shteteve të Bashkuara.

Këto veprime në Rusi po ndodhin pasi presidenti amerikan, Barack Obama, javën e kaluar e ka nënshkruar ligjin me të cilin imponohen sanksione ndaj shtetasve rusë, që dyshohet se janë të ndërlidhur me keqpërdorime në fushën e të drejtave të njeriut.

Ky legjislacion, i njohur si “Akti Magnitsky” është emëruar sipas avokatit antikorrupsion rus, Sergei Magnitsky, i cili ka vdekur në burg në vitin 2009.

Parlamenti rus, në leximin e parë, tashmë e ka miratuar masën hakmarrëse, e cila kërkon që gjyqtarët amerikanë, që i kanë shkelur të drejtat e njeriut ndaj rusëve, të shënohen në listën e zezë.

Në këtë legjislacion gjendet edhe masa për ndalesën e adoptimit të fëmijëve rusë.

Përzgjedhja Jonë

Priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.