E dielë, maj 24, 2015 Kosova 09:08

Lajmet

Grubjeshiq: Integrimi i Serbisë lidhet me dialogun me Prishtinën

Zv. kryeministrja Suzana GrubjeshiqZv. kryeministrja Suzana Grubjeshiq
x
Zv. kryeministrja Suzana Grubjeshiq
Zv. kryeministrja Suzana Grubjeshiq
Serbia në vitin 2013 do të fillojë bisedimet për pranim në Bashkim Evropian, ka thënë zëvendëskryeministrja e Serbisë për integrime evropiane Suzana Grubjeshiq.

“Kushti thelbësor për të filluar bisedimet për anëtarsim në BE është zgjidhja e çështjes së Kosovës, por kjo nuk do të thotë kurr që Qeveria e Serbisë do ta njohë pavarësinë e Kosovës” ka thënë zëvendëskryeministrja serbe për media serbe.

Grubjeshiq ka bërë të ditur se muaji mars ka mundësi të jetë koha kur do të vendosët se a do të mund që Serbia në qershor të fillojë bisedimet për anëtarsim në BE. Ajo ka përsëritur se përparimi i Serbisë në këtë aspekt varet nga dialogu me Prishtinën.

“Ky nuk është një mendim i imi, por i të gjithë atyre që e përcjellin këtë process. Nuk mund të ketë më dy mundësi, mund të shihni në gjetjet e dhjetorit të vitit 2011 dhe 2012", ka thënë ajo.

E vetmja mënyrë për të fituar datën, është përparimi në dialog me Prishtinën”, ka thënë Grubjeshiq, duke shtuar se tashmë ka një përparim në këtë dialog e ai është bërë që nga momenti kur kryeministri serb Ivica Daçiq ka pranuar të fillojë bisedimet me kryeministrin e Kosovës, Hashim Thaçin.

Grubjeshiq, tha se dilema “Kosovë ose BE”, është e rrejshme. “Pranimi i pavarësisë së Kosovës, nuk vije në shprehje. Por, ajo çfarë ne mund të bëjmë është normalizimi i marrëdhënieve me Prishtinën, jo pse kërkohet nga ne ta bëjmë atë, por një gjë e tillë është edhe në interesin tonë”, ka bërë të ditur ajo.

Përzgjedhja Jonë

Priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.