Misioni evropian për sundimin e ligjit në Kosovë, EULEX, ka dënuar aktet e vandalizmit dhe format e tjera të dhunës, pas dëmtimit të disa varrezave ortodokse serbe, gjatë 24 orëve të fundit në Kosovë.
“Protestat paqësore janë normale në çdo shoqëri moderne dhe demokratike, por përdhosja e qëllimshme e varrezave dhe objekteve fetare është absolutisht për t’u dënuar”, thuhet në deklaratën e EULEX-it.
Misioni po ashtu u ka bërë thirrje qytetarëve që të respektojnë ligjin dhe të tregojnë vetëpërmbajtje ndaj çdo akti të dhunshëm.
Autoritetet e rendit sot kanë bërë të ditur për dëmtimin e disa varrezave serbe në Prizren dhe Kllokot.
Akti thuhet se ka qenë hakmarrje ndaj largimit të lapidarit të UÇPMB-së në Preshevë, nga ana e xhandarmërisë serbe.
“Protestat paqësore janë normale në çdo shoqëri moderne dhe demokratike, por përdhosja e qëllimshme e varrezave dhe objekteve fetare është absolutisht për t’u dënuar”, thuhet në deklaratën e EULEX-it.
Misioni po ashtu u ka bërë thirrje qytetarëve që të respektojnë ligjin dhe të tregojnë vetëpërmbajtje ndaj çdo akti të dhunshëm.
Autoritetet e rendit sot kanë bërë të ditur për dëmtimin e disa varrezave serbe në Prizren dhe Kllokot.
Akti thuhet se ka qenë hakmarrje ndaj largimit të lapidarit të UÇPMB-së në Preshevë, nga ana e xhandarmërisë serbe.