E premte, maj 22, 2015 Kosova 21:07

Lajmet

Çeki: CEZ e fillon arbitrazhin kundër Shqipërisë

Centrali atomik në Temlin të Çekisë operohet nga kompania publike CEZCentrali atomik në Temlin të Çekisë operohet nga kompania publike CEZ
x
Centrali atomik në Temlin të Çekisë operohet nga kompania publike CEZ
Centrali atomik në Temlin të Çekisë operohet nga kompania publike CEZ
Kompania e njohur e energjisë, CEZ, e cila udhëhiqet nga shteti, ka njoftuar sot se e fillon procesin e arbitrazhit ndërkombëtar kundër Shqipërisë, duke pretenduar se Tirana ka dështuar t’i mbrojë investimet e saj në Shqipëri.

Autoritetet e Shqipërisë, muajin e kaluar, ia morën liçencën kompanisë CEZ, për shpërdnarje të energjisë elektrike, duke e fajësuar për mungesa të mëdha të energjisë elektrike dhe të ujit. Por, CEZ-i ka thënë se ishte e detyruar ta ndërpresë energjinë elektrike për shkak të mospagesave të faturave.

“CEZ-i sot zyrtarisht e ka njoftuar qeverinë e Shqipërisë për planin e vet për ta filluar procesin e arbitrazhit ndërkombëtar lidhur me investimin e pambrojtur në CEZ Shpërndarje”, thuhet në kumtesën e CEZ-it.

Kjo kompani ka pretenduar se CEZ Shpërndarje ka pësuar humbje të mëdha, pasi afro gjysma e konsumatorëve nuk i kanë paguar faturat e rrymës, përfshirë edhe institucione shtetërore.

Por, qeveria e Shqipërisë e ka akuzuar CEZ-in se ka dështuar të investoj në sektorin e energjisë dhe se e ka penguar importin e energjisë elektrike dhe shpërndarjen.

Kompania CEZ gjendet në bursat në Pragë dhe në Varshavë dhe është kompania më e madhe publike në Evropën Qendrore.

Ajo operon në Shqipëri, Bullgari, Gjermani, Hungari, Poloni, Rumani, Sllovaki dhe Turqi.

Përzgjedhja Jonë

Për një vit, priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.