E martë, janar 27, 2015 Kosova 04:22

Lajmet

SHBA tërheq pajisje ushtarake nga Afganistani

Ushtar amerikan në Afganistan.Ushtar amerikan në Afganistan.
x
Ushtar amerikan në Afganistan.
Ushtar amerikan në Afganistan.
Ushtria e Shteteve të Bashkuara të Amerikës ka nisur tërheqjen e pajisjeve ushtarake nga Afganistani, përmes Pakistanit.

Zëdhënësi i forcave amerikane në Afganistan, Marcus Spade, ka thënë të hënën se 50 kontejnerë anijesh janë zhvendosur në Pakistan gjatë fundjavës.

Shumica e furnizimeve për trupat e SHBA-së dhe të NATO-s, gjatë 11 vjetëve të fundit, kanë kaluar përmes Pakistanit.

Në nëntor të vitit 2011, Islamabadi ka mbyllur rrugët furnizuese për shtatë muaj, pasi një sulm ajror i Shteteve të Bashkuara ka vrarë 24 ushtarë pakistanezë.

Pakistani tani do të jetë rruga kryesore për tërheqjen e dhjetëra mijëra kontejnerëve të pajisjeve ushtarake, para se trupat luftarake të Perëndimit të lënë Afganistanin në vitin 2014.

VOX

Prishtina

Pritjet e të rinjve për vitin 2015

Në rubrikën tonë të përjavshme VOX, të Radios Evropa e Lirë, kemi marrë mendimet e të rinjve, rreth asaj se çka ata presin nga viti 2015