E premte, gusht 01, 2014 Kosova 07:45

Lajmet

Arrestohen dy persona, të dyshuar për sulme ndaj policisë serbe

Foto ilustrueseFoto ilustruese
x
Foto ilustruese
Foto ilustruese
Një gjyqtar i procedurës paraprake i EULEX-i në Gjykatën Themelore në Gjilan ka urdhëruar paraburgimin e dy personave në kohëzgjatje prej një muaji. Të dyshuarit, të cilët ishin arrestuar dje gjatë një operacioni të përbashkët të EULEX-it dhe Policisë së Kosovës – njësia ROSU, janë nën hetime dhe akuzohen për terrorizëm dhe posedim të paligjshëm të armëve.
 
Në një komunikatë për media të lëshuar nga EULEX-i, thuhet se, njëri prej personave pretendohet se është pjesëtar i një organizate terroriste e cila e kishte marrë përgjegjësinë për tri sulme kundër policisë serbe në Dobrosin, afër Portës 5 Dheu i Bardhë, në maj, qershor dhe tetor 2012.
 
Rasti është duke u hetuar nga një prokuror i EULEX-it i Prokurorisë Speciale të Kosovës (PSK).