E premte, prill 18, 2014 Kosova 02:19

Lajmet

Pakistan: Tetëmbëdhjetë njerëz të vrarë nga sulme vetëvrasëse

Foto nga vendi ku ndodhi njëri nga sulmetFoto nga vendi ku ndodhi njëri nga sulmet
x
Foto nga vendi ku ndodhi njëri nga sulmet
Foto nga vendi ku ndodhi njëri nga sulmet
Madhësia e shkronjave - +
Tre sulme në veriperëndim të Pakistanit gjatë ditës së enjte, kanë lënë të vdekur të paktën 18 persona dhe shumë të lënduar.

Një sulmues vetëvrasës ka vrarë gjashtë dhe lënduar 8 njerëz në qarkun Hangu të provincës Khyber Pakhtunkhwa. Zyrtarë kanë bërë të ditur se, sulmuesit kanë pasur në shënjestër një pikë-kontroll policor. 

Në një tjetër sulm tjetër janë vrarë shtatë anëtarë të milicisë pro-qeveritare në afërsi të rajonit fisnor Orakzai. Zyrtarë kanë njoftuar se bomba ka shpërthyer afër një automjeti të milicisë në fshatin Hassanzo.

Në sulmin e tretë, të paktën 3 sulmues vetëvrasës kanë sulmuar një stacion policor në qytetin Banny, ku kanë plagosur një zyrtar policor. Shefi i Policisë së Bannu-s, Nisar Tanoli ka thënë për Associated Press se, tre sulmues vetëvrasës kanë detonuar eksplozivin e tyre, ndërsa policia i ka qëlluar për vdekje dy sulmues të tjerë.

Zëdhënësi i talebanëve të Pakistanit, Ehsanullah Ehsan, ka pranuar përgjegjësinë për sulmin.