E premte, nëntor 21, 2014 Kosova 11:22

Lajmet

Merkel: Norma e Euros karshi USD- normale

Kancelarja gjermane, Angela MerkelKancelarja gjermane, Angela Merkel
x
Kancelarja gjermane, Angela Merkel
Kancelarja gjermane, Angela Merkel
Kancelarja gjermane Angela Merkel tha se shkëmbimi i euros me dollarin në normën 1.30-1.40 dollarë për një euro, është “normal.

Ky është një koment i pazakontë i saj në lidhje me tregjet e shkëmbimeve të monedhave të huaja.

“Norma e euros në mes të 1.30 dhe 1.40 është normale në kontekstin historik të euros”, ka thënë Merkel në një konferencë ekonomike, derisa po rriten shqetësimet se euro është tepër e fuqishme karshi valutave të tjera.

Ajo ka thënë se Gjermania është e vendosur për të shtyrë përpara “një lëvizje të lirë” të normave të shkëmbimit dhe tha se në këtë kuadër deklarata e ministrave të Financave të G20 ishte “sinjal i mire”.

Në këtë takim të zhvilluar në Moskë, përfaqësuesit e G20 u pajtuan që të mos i vënë në shënjestër normat specifike ose devalvimin e valutave për t’i bërë ato më konkurruese, në mes të shqetësimeve për “luftërat e valutave”.

Disa shtete të eurozonës, si për shembull Franca, kanë shprehur shqetësimin se niveli i euros, që është rritur së fundi, mund të dëmtojë eksportet e eurozonës.