E shtunë, maj 23, 2015 Kosova 12:19

Lajmet

Kërkojnë informacione nga EULEX-i për gjendjen në veri

Mitrovicë, arkivMitrovicë, arkiv
x
Mitrovicë, arkiv
Mitrovicë, arkiv
Komisioni Parlamentar për Punë të Brendshme dhe Siguri i Kuvendit të Kosovës pret informacione nga misioni i Bashkimit Evropian për forcimin e sundimit të ligjit në Kosovë, lidhur me incidentet e shpeshtuara në pjesën veriore.

Në mbledhjen e sotme, ky komision ka vendosur me shumicë votash që të kërkojë nga EULEX-i t’i japë informata shtesë për, siç është thënë, “sulmet serike në veri”.

Anëtarët e këtij Komisioni kanë shprehur shqetësim për sigurinë e përgjithshme në atë zonë, të banuar me shumicë serbe, posaçërisht në kohën kur në Bruksel po negociohet për zhbërjen e strukturave serbe të sigurisë.

Zona veriore e Kosovës, në javët e fundit, ka qenë vatër e shpërthimeve të shumta, përfshirë këtu edhe sulmet ndaj pronës së individëve të caktuar, që kanë rezultuar të jenë të lidhur me institucionet e Republikës.

Serbët që jetojnë në katër komunat matanë Ibrit, refuzojnë të kenë cfarëdo lidhjeje me autoritetet në Prishtinë dhe vazhdojnë t’i mbeten besnikë Qeverisë së Serbisë, e cila në listën e saj të pagave ka rreth 25,000 shërbyes atje.

Përzgjedhja Jonë

Për një vit, priten një milion metra kub pyje

Kosova ka 460 mijë hektarë pyje. Rreth 80 për qind e lëndëve djegëse në vend kanë burim pyjet. Andaj, ekspertët thonë se pyjet në Kosovë nuk janë në nivel të kënaqshëm, derisa shtojnë se gjatë një viti priten rreth një million metra kub pyje.

Një milion euro për shëndetësi në veri

Qeveria e Kosovës ka ndarë 15 milionë euro për katër komunat në veri të Kosovës, Mitrovicën e Veriut, Leposaviqin, Zubin Potokun dhe Zveçanin. Për sektorin e shëndetësisë janë ndarë 1 milion euro.

Si të vazhdosh jetën kur miqtë të martirizohen?

“Një nga gjërat më të vështira të xhihadit është kur e humbet një mik”, e pranon militanti çeçen i Shtetit Islamik, Musa Abu Yusuf Shishani, në një postim në rrjete sociale të publikuar së fundi.