Ushtria e Pakistanit ka nisur sulme të reja kundër zonave ku fshihen militantë në rajonet fisnore.
Aeroplanët ushtarak pakistanez kanë sulmuar zona në afërsi të Miranshahut, qyteza kryesore e rajonit fisnor të Vaziristanit Verior.
Sulmet ajrore janë kryer në Mosaki, Kharkamar dhe Mirali, zona ku talibanët e Pakistanit dhe grupe të tjera ekstremiste të lidhura me Al Kaidën, fshihen.
Këto sulme janë pjesë e një ofenzive një mujore të ushtrisë së Pakistanit kundër talibanëve.
Ofenziva deri më tash ka lënë qindra të vdekur, ndërsa rreth 1 milion civilë janë larguar nga shtëpitë e tyre në këtë rajon.
